Dear Chungkhar hna, tuzarh kan caan hmannak le kan thawng tete ka hun in thanh tthan hna.
- Tuzarh cu Biakinn 1:30pm in pumhnak kan ngei lai.
- Val Vel Lian Hup le Leng Rakhimova Malika te ṭhitum thlacam ni cu tuzarh Feb. 12 ni Sindorim Techno Mart dot 8nak ah a si lai. CMC chungkhar kan dihlak in sawm kan si i telpi khawh cio rak i zuam ding kan in sawm hna.
- Feb. 5 ni ah OC upa (Pastor, President, Secretary, Asst. Secretary) hna le Hindul Pastor zanriah dum`i pah in tonbiaruahnak ngeih a si i zarhte zan biakinn hmannak le zarhpi ni chun sml 1:30 pm in kum khat voi thum pumhnak ah biakinn hman ding zong a kan onh i a cung ah kan i lawm hringhran.
- Rev. Dr. Mathew A. Pasawng cu February 9 chun sml 2:00 PM ah Degree peknak, Korea Christian University ah tuah a si i CMC chungkhar nih kan telpi. A telpi kho tu nan dihlak cung ah kan i lawm hringhran.
- Kan hawi Val Tho Lian i a u nu Pi Tuan Hlei Tial, 33, nih nihin zing 6 am, Falam siizung ah lungzawtnak in a kan liamtak. An khua Cong Heng khua ah a kirpi i nihin chun 3pm ah thlan a tla lai. CMC nih an ngaihchiatnak kan hrawmpi.
- Kan treasurer Saya Joshua Mang Neih Cung le a thaisung nu cu nihin hi Laitlang lei ah an i thawh lai. An khual tlawn a tlamtlin nakhnga thlacam rih usi.
- Kan pastor hlun Pastor Joel Mang Bik Cung cu February 15 zing sml 11:00 AM ah Degree peknak, Chongshin University, Sadang campus, Seoul ah tuah ding a si i CMC chungkarh nih kan caan sunghar pe in telpi khawh i zuam cio ding in kan in sawm hna.
- Sayama Dawt Leng Sung, Sayama Sui Meng ~ial, Saya Thanwg ~ha Hnin le Sayama Nun Sang Hnem hna cu February 16 zing sml 11:00 AM ah Degree peknak, Hanyoung Theological University, Seoul ah tuah ding a si i CMC chungkarh nih kan caan sunghar pe in telpi khawh i zuam cio ding in kan in sawm hna.
- February 19 ni cu CCK hruainak in Boramae pangpar dum ah Chin Miphun Ni tuah a si lai. Youth Fellowship nih a herh ning in lamlei, thuam hmuhsaknak, ringawnlei le media lei in `uanvo an lak te lai. Lai thuam te he chuah khawh cio i zuam ding in kan in sawm hna.
- CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.
- Saya Pum Hon Thang aa tinh mi a tlam a tlin khawh nakhnga thlacam rih usi.
- Khual ah a um mi: Pi Grace Kim le Lee Hana te nufa zong kam ram ah an um lio a si. Val Isaac Cin Mung zong Kalay ah a um lio a si. An khuallam a tluan nakhnga thlacam rih usi.
- CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.
Hla ngaihawk: Hillsong Worship – Christ Is Enough [ https://youtu.be/V9fTw9MLKAo ]
Khrih ah nan hawi,
Ni Chum Er
Church Secretary