Dear Chungkhar hna, dam in nan um cio lai tiah ruahchannak ka ngei. Tuzarh kan caan hmannak ka hun thanh tthan.

February 5 ni khi CMC Birthday a si lai. Laithuam te he pumh a si te lai. Hindul Senior Pastor nih phung a kan chimh te lai.

Val Vel Lian Hup le Leng Rakhimova Malika te ṭhitum thlacam ni cu Feb. 12 ni Sindorim Techno Mart dot 8nak ah a si lai. CMC chungkhar kan dihlak in sawm kan si i telpi khawh cio rak i zuam ding kan in sawm hna.

Rev. Dr. Mathew A. Pasawng cu February 9 chun sml 2:00 PM ah Degree peknak, Korea Christian University ah tuah a si lai ca ah CMC chungkhar nih kan caan sunghar pe in telpi khawh i zuam cio ding in kan in sawm hna.

Kan pastor hlun Pastor Joel Mang Bik Cung cu February 15 zing sml 11:00 AM ah Degree peknak, Chongshin University, Sadang campus, Seoul ah tuah ding a si i CMC chungkarh nih kan caan sunghar pe in telpi khawh i zuam cio ding in kan in sawm hna.

February 19 ni cu CCK hruainak in Boramae pangpar dum ah Chin Miphun Ni tuah a si lai. Youth Fellowship nih a herh ning in lamlei, ringawnlei le media lei in `uanvo an lak te lai. Lai thuam te he chuah khawh cio i zuam ding in kan in sawm hna.

Kan song box zong Val R. Van Lian Thawng le Val Van Za Lian nih Jan. 30 ni ah an kan zarlhpiak cang. An cung ah kan i lawm hringhran.

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

Saya Pum Hon Thang aa tinh mi a tlam a tlin khawh nakhnga thlacam rih usi.

Khual ah a um mi: Pi Grace Kim le Lee Hana te nufa zong kam ram ah an um lio a si. Pu ~uan Sang techung zong thaizing ah an phan lai. Val Isaac Cin Mung zong Kalay ah a um lio a si. An khuallam a tluan nakhnga thlacam rih usi.

Hla ngaih awk: 제이어스 – 은혜로다 [ youtube ]

CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

A rian thiang ah,
Ni Chum Er
Church Secretary