Dear chungkhar hna,
Tuzarh kan caan hmannak thawng ka run in thanh tthan hna.
+ Tuzarh hi Biakinn ah i pumh ding kan si nain Biakinn aa relrem deuh lo ca ah Chin House ah chun 12:30 in pumhnak kan ngei hna lai. Kan Pastor nih phung a kan chimh te lai. Pumh dih CND ah kan kaltti te hna lai.
+ February 19 ni zanlei sml 2 in 5 tiang CCK hruainak in Boramae pangpar dum ah Chin Miphun Ni cu tuah a si lai. Youth Fellowship nih a herh ning in lamlei, thuam hmuhsaknak, ringawnlei le media lei in `uanvo an lak te lai. Tanzung lei in khuallian kan ngei lai. Lai thuam te he chuah khawh cio i zuam ding in kan in sawm hna.
+ Pi Vel Lian Hup le Pi Rakhimova Malika te ṭhitum thlacamnak cu Feb. 12 ni ah tlamtlingte in tuah a si. CMC chungkhar nih kan in lawmhpi hna. Pathian nih tefa in pe in chungkhar nuam ah thlua in chuah hram hna seh.
+ Kan pastor hlun Pastor Joel Mang Bik Cung cu February 15 zing sml 11:00 AM ah tlamtlingte in Dr. Degree a la cang. Saya Thanwg Tha Hnin le Sayama Nun Sang Hnem zong February 16 zing sml 11:00 am ah MA Degree an la cang. CMC chungkhar nih kan in lawmhpi hna. Pathian nih a rian ah in hmang chin hram hna seh.
+ Kan Pastor cu Japan ah hmaizarh khi a va tlawng ta lai. A khuallam a tluan nakhnga thlacam kan in sawm hna.
+ CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.
+ Saya Pum Hon Thang aa tinh mi a tlam a tlin khawh nakhnga thlacam rih usi.
+ Khual ah a um mi: Pi Grace Kim le Lee Hana, Val Tho Lian, Saya Joshua Mang Neih Cung le a thaisung nu le Val Isaac Cin Mung te an khuallam a tluan nakhnga thlacam rih usi.
+ Hlangaih awk: Dawtnak Pardawh Parseh [ https://youtu.be/0-nqrQfnYO0 ]
+ CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.
Khrih ah nan hawi,
Ni Chum Er
Church Secretary