Dear chungkhar hna,

– Tuzarh kan caanhmannak le kan thawng kan run in kuat ṭhan hna.


– Building Fund kha tuzarh in thawk a si cang lai. Nan sin ah cabawm te a rung phan te lai. Building Fundraising Committee treasurer Pu Duh Tling Ceu sin ah December thla thih tiang pek khawh a si lai. Zaanghlei rak chuah cio ding in kan in sawm hna.

– Kumcheu chung Lai ram le Lai Miphun cuanhnak cu General hnatlaknak in Yangon Lautu Baptist Church i biakinn saknak bawmh ding a si bang zaanghlei rak chuah cio rih ding in kan in sawm hna. August 6 in December thla thih tiang kan treasurer Pu Duh Tling Ceu sin ah pek khawh a si cang.

– Val Thawng Thuan Lan i a nau Nu Cecilia No Hnem Par bulhnak cu a tlawm bik won 10,000 cio kan asst. treasurer Pu Duh Tling Ceu sin ah nan rak pek naklai kan in sawm hna. Taantaak mi chungkhar tuarpi bu in ṭan rak la cio rih usi.

– Pi Esther Tun le Leng Hnem Za Nuam te siizung um veh can ah a tlawm bik won 10,000 cio kan asst. treasurer Pu Duh Tling Ceu sin ah nan rak pek naklai kan in sawm hna. Damnak tlamtling an hmuh nakhnga thlacam rih usi.

– Rev. Taan Mang i a nau Pu Sui Hu bulhnak cu a tlawm bik won 10,000 cio kan asst. treasurer Pu Duh Tling Ceu sin ah nan rak pek naklai kan in sawm hna. Tantaak mi chungkhar tuarpi bu in ṭan rak la cio ding in kan in sawm hna.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

– Campaign cawnpiaktu kan sin ah damte in a phanh khawh ding in atu hi tawlrel cuahmah lio pi a si i a tlamtlin nakhnga thlacam kan in sawm hna.

– Korea ram le kan ram ca ah thlacam kan in sawm hna.

– CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

– Hla ngaih awk: "I Have Decided" – ELEVATION WORSHIP [ https://youtu.be/iRb769P50IQ ]

– Bible caangthim: U le nau hna, nan lakah rian a ṭuanmi le Bawipa ca i nun awkah an hruaitu hna le an chimhringtu hna kha upat hna u tiah kan in nawl hna, 13 Mah hna kha an ṭuannak ruangah dawtnak in sunhsak hna u law nannih zong pakhat le pakhat i rem tein um u. 14 Cun thathumi hna cu chimhring hna u law hnabei a dongmi hna kha thazang pe hna u; a derthawmmi bawm hna u law an dihlak cungah nan lung sau ko u, tiah kan in forh hna. [1Thesalon 5:12-14]

A rian thiang ah,

Ni Chum Er

Church Secretary