Dear chungkhar hna, tuzarh kan pumh caanhmannak le kan thawng kan run thlah ṭhan.

+ Val Za Bawi Thawng cu August 25 ni ah damte in kan sin ah a phan cang.


+ 2017 a voi hnihnak Mino Hnianghrawm cu August 27 zing 8 am in 1pm tiang Tlanglawng line 1 (Guanak station) pawng ah a um mi 안양예술공원 ah tuah a si lai. A hmun ah thlacamṭinak le ihawikomhnak zong a um lai. Youth President le Secretary sin ah kalnak hlat khawh a si.


+ Pumh dih ah EC meeting a ngei ding kan si caah adviser te le EC chungtel pellote in nan rak kai nak lai kan in sawm hna.

+ Lunglawmhnak: Pi Esther Tun le Leng Hnem Za Nuam te siizung vehnak le Rev. Taan Mang i a nau Pu Sui Hu bulhnak a rak petu nan cung ah kan i lawm hringhran.

+ Building Fund kha thawh khawh a si cang. Nan sin ah cabawm te a rung phanhter. Building Fundraising Committee treasurer Pu Duh Tling Ceu sin ah December thla thih tiang pek khawh a si lai. Zaanghlei rak chuah cio ding in kan in sawm hna.

+ Kumcheu chung Lai ram le Lai Miphun cuanhnak cu General hnatlaknak in Yangon Lautu Baptist Church i biakinn saknak bawmh ding a si bang zaanghlei rak chuah cio rih ding in kan in sawm hna. August 6 in December thla thih tiang kan treasurer Pu Duh Tling Ceu sin ah pek khawh a si cang.

+ Val Thawng Thuan Lan i a nau Nu Cecilia No Hnem Par bulhnak cu a tlawm bik won 10,000 cio kan asst. treasurer Pu Duh Tling Ceu sin ah nan rak pek naklai kan in sawm hna. Taantaak mi chungkhar tuarpi bu in ṭan rak la cio rih usi.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

+ Campaign cawnpiaktu kan sin ah damte in a phanh khawh ding in atu hi tawlrel cuahmah lio pi a si i a tlamtlin nakhnga thlacam kan in sawm hna.

+ Korea ram le kan ram ca ah thlacam kan in sawm hna.

+ CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

+ Hla ngaih awk: There Is A Cloud (Live) – Elevation Worship [ https://youtu.be/MOKXYe0a4MY ]

+ Bible caangthim: Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si. [Isaiah 12:2]

A rianthiang ah,

Ni Chum Er

Church Secretary