Dear chungkhar hna,

Dam in nan um cio lai tiah ruahchannak ka ngei. Summer Holiday ah hawikom tete he hmun khat te ah nan tlunkal kan hmuh i kan i lawm hringhran. Pathian nih pakhat le pakhat kan kar ah dawtnak karhter chin hram seh.

– Tu zarh kan pumh caanhmannak kan run kuat ṭhan.


– August 6 ni khi Grace Myanmar Christian Church he pulpit thlennak a ngei ding kan si. Annih hi Kachin deuh an si i kan unau an si. Zaanghlei chuah khawh i zuam hna usi. A hmun cu Myeonghak Station pawng ah a si. An sin ah Zing sml 11 in pumhnak kan ngei lai i zanlei ah kan sin ah an kan pumhpi ve lai. Tlam a tlin nakhnga thlacam kan in sawm hna.

– Campaign cawnpiaktu kan sin ah damte in a phanh khawh nakhnga atu hi tawlrel cuahmah lio pi a si i a tlamtlin nakhnga thlacam kan in sawm hna.

– Kumcheu chung Lai ram le Lai Miphun cuanhnak cu General hnatlaknak in Yangon Lautu Baptist Church i biakinn saknak bawmh ding a si bang zaanghlei rak chuah cio rih ding in kan in sawm hna. August 6 in December thla thih tiang kan treasurer Pu Duh Tling Ceu sin ah pek khawh a si cang.

– Val Thawng Thuan Lan i a nau Nu Cecilia No Hnem Par bulhnak cu a tlawm bik won 10,000 cio kan asst. treasurer Pu Duh Tling Ceu sin ah nan rak pek naklai kan in sawm hna. Taantaak mi chungkhar tuarpi bu in ṭan rak la cio rih usi.

– Pi Esther Tun le Leng Hnem Za Nuam te siizung um veh can ah a tlawm bik won 10,000 cio kan asst. treasurer Pu Duh Tling Ceu sin ah nan rak pek naklai kan in sawm hna. Damnak tlamtling an hmuh nakhnga thlacam rih usi.

– Rev. Taan Mang i a nau Pu Sui Hu bulhnak cu a tlawm bik won 10,000 cio kan asst. treasurer Pu Duh Tling Ceu sin ah nan rak pek naklai kan in sawm hna. Tantaak mi chungkhar tuarpi bu in ṭan rak la cio ding in kan in sawm hna.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

– Korea ram le kan ram ca ah thlacam kan in sawm hna.

– CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

– Bible caang thim: Cun kan Pathian sin i kan i lawmhnak zong a dang a um rih: Pathian bia nan sin kan phakpi tikah khan minung bia bantukin si loin Pathian bia bantukin nan rak cohlan — Pathian bia cu a si taktak, nan sin kan phakpimi cu. Cuticun zeitindah a si khawh tiah, Pathian nih a zummi nan lakah rian a ṭuan caah a si. [1Thesalon 2:13]

– Hla ngaih awk: 천번을 불러도 – 주리 2집 [ https://youtu.be/eIeIsJoySb8 ]

A riang thiang ah,

Ni Chum Er

Church Secretary