Dear chungkhar hna,

Dec. 10 pumh caanhmannak le kan thawng tete kan hun thanh tthan.

– CMC nih a zeilei poh ah kan i bochan mi Secretary hlun Saya Pum Hon Thang cu December 16 ni ah kan ram lei ah a kir cang lai. Tuzarh cu amah nih thawng`ha a kan chimh lai. Zanriah zong amah thlahnak ah zanriah kan dum`i hna lai. Kut tlaih khawh rak i zuam cio ding in kan in sawm hna.

– Pu Duh Tling Mang le Pi Duh Khun Hniang te i an fapa hnihnak Pa Bawi Khamh Cung cu damlonak in siizung ah caan sau a um ca ah kan phun ning in bawmh ding kan si i a tlawm bik won 10,000 in zaanghlei nan rak chuah cio naklai kan in sawm hna. December 10 in December 31 tiang Vice President Pu ~ha Peng Kam sin ah pek khawh a si lai.

– Pu Vel Lian Hup le Val Sang Lian Chin i an pi nih Pathian sin ah a kan dinh taak cang. CMC nih nan ngaihchiatnak kan in hrawmpi hna.

– A zan hnihnak Carol cu Ansan le Gaebong lei ah kal a si i hmaizarh cu Suwon le Choenan lei ah kal a si lai ca ah tlun inn nan rak kan onh cio naklai kan in sawm hna.

– 2017 Christmas cu cacawn nikhat ni December 25 ni chun 1 pm in Biakinn ah tuah a si lai. Pumpak le a phu nih Christmas don khawh a si. Christmas le Kum thar tlamtling in kan tuah khawh nakhnga committee rian cu Youth Fellowship nih `uanvo an lak te lai.

– MCC hruainak in Combine Christmas cu December 24 ni ah tuah ding a si i a tlamtlin nakhnga thlacam kan in sawm hna. Kan ramlei in Pi Sung Tin Par, Pu J Me le Saya Nyunt Hla te sawm an si. Thawngṭha nih a phanh rih lo mi kan hawile hna ca ah Mission rianṭuannak biapi in i hmaithlak a si. Bupyeong station pawng Methodist Biakinn ah a si lai. Minung 400 tel nih Combine Christmas hmanṭi ding in timh a si. Minung pakhat won 10,000 cio in mission rian ah Dec 10 a hnu bik chia in zaanghlei nan chuah naklai kan in sawm hna. Pu Thawng Mang le Pu Duh Tling Ceu sin ah pek khawh a si.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

– Kan ramlei ah Christmas hman aa tim mi chungkhar pakhat cio an i timhlamhnak a tlamtlin nakhnga

– Pi Lal Nun Siami damte in nau aa `hen khawh nakhnga

– Korea ram le kan ram ca ah thlacam kan in sawm hna.

– CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

– Hla ngaih awk: Celine Dion Christmas Album [ https://youtu.be/jr_tMY0JZIU ]

– Bible caang thim: Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si. [Rom 6:23]

A rian thiang ah,

Ni Chum Er

Church Secretary