Dear chungkhar hna tuzarh kan caanhmannak ka run in kuat hna.


MCC hruainak in Combine Christmas cu December 24 ni ah tuah ding a si i a tlamtlin nakhnga thlacam kan in sawm hna. Kan ramlei in Pi Sung Tin Par, Pu J Me le Saya Nyunt Hla te sawm an si. Thawngṭha nih a phanh rih lo mi kan hawile hna ca ah Mission rianṭuannak biapi in i hmaithlak a si. Bupyeong station pawng Methodist Biakinn ah a si lai. Minung 400 tel nih Combine Christmas hmanṭi ding in timh a si.

Minung pakhat won 10,000 cio in mission rian ah pek khawh rih a si.

Pu Duh Tling Mang le Pi Duh Khun Hniang te i an fapa hnihnak Pa Bawi Khamh Cung cu damlonak in siizung ah caan sau a um ca ah kan phung ning in bawmh ding kan si i a tlawm bik won 10,000 in zaanghlei nan rak chuah cio naklai kan in sawm hna. December 10 in December 31 tiang Assistant Treasurer Pu Duh Tling Ceu sin ah pek khawh a si lai.

Kan hawi Dr. Dorene Van Bik cu January 6 ah ṭhitum kutsihnak cu Hakha RC Biakinn ah a tuah ding an si i CMC an kan sawm. An tlamtlin nakhnga thlacam kan in sawm hna.

Tu zan Carol cu Suwon le Cheonan lei ah kal a si. Innkhih in kan in phanh lo mi chungkhar kan um ca ah Zarhpi ni pumh dih ah Chin House ah a hnu bik Carol vah a si lai i pumpak le chungkhar in i tel khawh a si.

2017 Christmas cu Women Fellowship nih an kan donpiak lai. Cacawn nikhat (December 25) ni chun 1 pm in Biakinn ah tuah a si lai. Pumpak le a phu nih Christmas don khawh a si. Christmas le Kum thar tlamtling in kan tuah khawh nakhnga committee rian cu Youth Fellowship nih `uanvo an lak te lai. Laksawng thlen a um lai i minung pakhat ah won 10,000 cio in i rin a si lai.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

Kan ramlei ah Christmas hman aa tim mi chungkhar pakhat cio an i timhlamhnak a tlamtlin nakhnga

Pi Lal Nun Siami damte in nau aa `hen khawh nakhnga

Korea ram le kan ram ca ah thlacam kan in sawm hna.

CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

A rian thiang ah,

Ni Chum Er

Church Secretary