Dear chungkhar hna,

Tu zarh kan pumh caan hmannak le kan thawng tete kan rak thanh tthan.

– Tu zan (December 2) thawk in CMC chungkhar sin ah Youth Fellowship hruainak in Carol kan thawk cang. Tu zan cu Dearim lei le Incheon lei ah an kal lai. Tlun inn nan rak kan onh cio naklai kan in sawm hna.

– 2018 Christmas cu cacawn nikhat ni December 25 ni chun 1 pm in Biakinn ah tuah a si lai. Pumpak le a phu nih Christmas don khawh a si. Christmas le Kum thar tlamtling in kan tuah khawh nakhnga committee rian cu Youth Fellowship nih ṭuanvo an lak te lai.

– Pumh dih ah EC meeting a um lai caah EC upa le adviser te kha nan rak tanta naklai kan in sawm hna.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

– Kan ramlei ah Christmas hman aa tim mi chungkhar pakhat cio an i timhlamhnak a tlamtlin nakhnga

– Pi Lal Nun Siami damte in nau aa ṭhen khawh nakhnga

– Korea ram le kan ram ca ah thlacam kan in sawm hna.

– CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

– Hla ngaih awk: NON STOP CHRISTMAS MEDLEY VOLUME 1 & 2 {https://youtu.be/juGbj_Dz5sI}

– Bible caang thim: "Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai."

Isaiah 7:14

A rianthiang ah,

Ni Chum Er

Church Secretary