Dear chungkhar hna,

Tuzarh kan caan hmannak le kan thawng tete kan run thanh tthan.

+ Tuzarh cu Pu Za Cung nih US um a nau he damte in an i ton khawh lunglawmhnak ah zanriah a kan hrawmh lai. A cung ah kan i lawm hringhran.

+ Pu Ni Chum Er le Pi Lal Nun Siami nih fapa te an kan ngeihpiak. Arumcheil Women Hospital ah December 26 ni zanlei 5:36 ah a chuak i pound 7.8 a si. Hakha um a pate nih Van Hruai Bik tiah aa sak. Pathian nih thluachuah kan pekpiak hram seh.

+ CMC kan secretary hlun Saya Pum Hon Thang cu nihin (Dec. 30) ah kan ramlei ah a kir cang. Aa tinh mi a tlamtlin nakhnga thlacam kan in sawm hna.

+ 2017 Christmas ah a re a thei mi nan dihlak cung ah kan i lawm hringhran.

+ Donghnak: Pu Duh Tling Mang le Pi Duh Khun Hniang te i an fapa pahnihnak Pa Bawi Khamh Cung cu damlonak in siizung ah caan sau a um ca ah kan phung ning in bawmh ding kan si i a tlawm bik won 10,000 in zaanghlei nan rak chuah cio naklai kan in sawm hna. December 10 in December 31 tiang Pu Ṭha Peng Kam sin ah pek khawh a si lai.

+ #Donghnak: Building Fund kha tuzarh hi a donghnak a si. Treasurer Saya Joshua Mang Neih Cung sin ah pek khawh a si. Zaanghlei rak chuah cio ding in kan in sawm hna.

+ #Donghnak: Kumcheu chung Lai ram le Lai Miphun cuanhnak cu General hnatlaknak in Yangon Lautu Baptist Church i biakinn saknak bawmh ding a si bang tuzarh hi a donghnak a si. zaanghlei rak chuah cio rih ding in kan in sawm hna. Treasurer Saya Joshua Mang Neih Cung sin ah pek khawh a si.

+ Dec. 31 zan cu Biakinn ah 11 PM in Kumthar don a si lai. Pumh dih in kumhlun thlahnak le kum thar donnak zong a um lai. Bible caang zuh le thlacam`inak zong a um lai ca ah kan caan tenh khawh cio rak i zuam ding in kan in sawm hna. Kumthar ni cu 2 pm in Biakinn ah pumhnak kan ngei lai Pumh dih in i hawikomhnak zong peh colh a si te lai i Chin House ah zanriah kan dumṭi te hna lai.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

+ Kan ramlei ah a va tlawng ta mi nih an chungkhar he kumthar an hman khawh nakhnga le an i timh mi a tlamtlin nakhnga

+ Korea ram le kan ram ca ah thlacam kan in sawm hna.

+ CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

A rian thiang ah,

Ni Chum Er

Church Secretary