Dear chungkhar hna, Nan rian ttuannak, sianginn kainak ah tlamtling in nan um lai tiah ruahchannak ka ngei.

+ Tu zarh pumh caanhmannak:

+ Kan pastor cu Feb. 21 ni ah Tokyo damte in a phan cang. Feb. 27 ni a rak kir `han lai. Tuzarh hi hmun thum ah thawng`habia a chim lai. Pathian nih a hmurka a hman nakhnga thlacam kan in sawm hna.

+ February 19 ni ah CCK hruainak in Boramae pangpar dum ah Chin Miphun Ni tuah a si i Youth Fellowship nih a herh ning in lamlei, thuam hmuhsaknak, ringawnlei le media lei in `uanvo an laak. CMC a mithmai an hngalter taktak. CND hi Laimi zumtu nih zumlotu sin ah khrihfa nunzia kan langhter ni zong a si i ‘tu kum cu caan a dih manh hmanh kan hngal lo e’ an ti cio. CND ah aa tel kho mi le umhmun in thlacamnak he a rak bawmtu nan dihlak cung ah kan i lawm hringhran.

​Rev. Ram Thang Uk nih hramthawk thla a cam lio.


Lam, hla le show an cawn zan ah Val Van Thawng Lian Lian le Val Htay Myint Aung nih arsa reu an kan dangh.


CND ah a ra kho mi cheu khat. Tutan cu minung za leng kan phan.

CMC mino Lailam an lam lio.

​Laithuam hmuhternak an tuah lio.

+ CMC a daw i a rak dirhkamh zungzaltu Dr. Ro Sang Pui cu March 4 ah kan ramlei ah a tlung cang lai. Tuzarh zanriah zong amah thlahnak ah kan dum`i tehna lai.

+ Pi Grace Kim te nufa zong kan sin ah damte in an phan cang.

+ Pumh dih in Mino General Meeting a um lai ca ah mino paohpaoh pellote in nan rak tan naklai kan in sawm hna.

+ CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

+ Saya Pum Hon Thang aa tinh mi a tlam a tlin khawh nakhnga thlacam rih usi.

+ Khual ah a um mi: Youth President Val Isaac Cin Mung, Treasurer Saya Joshua Mang Neih Cung le a thaisung nu le Val ~ho Lian te an khuallam a tluan nakhnga thlacam rih usi.

+ Hla ngaih awk: 주님다시오실때까지 [ https://youtu.be/tFntlsYm5OE ]

+ CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

+ Bible caang: 30Bawipa nan Pathian cu nan lungthin dihlak le nan nunnak dihlak le nan ruahnak dihlak le nan thazang dihlak in nan dawt lai,’ ti hi a biapi bik cu a si. – Marka 12:30

A rian thiang ah,

Ni Chum Er

Church Secretary