Dear chungkhar hna,

Thaizing kan caan hmannak ka run in kuat hna.


Kumthar zong tlamtlingte in kan don khawh ca ah Pathian min kan thang`hat. A tawlreltu Youth Committee cung ah le a lam kip in zaanghlei a rak chuahtu nan dihlak cung ah kan i lawm hringhran.

2017 chung CMC nih kan i timh mi ning in Pathian nih lam a kan hruai i thluachuah a kan pek. Kan Calendar ning te in kan kal khawh pin ah chawva lei kan i tinh mi zong kan thazaang a `ha hringhran.

CMC kan secretary hlun Saya Pum Hon Thang cu Jan. 5 ni ah Kakay a chung le he damte in an i tong kho cang. Aa tinh mi a tlamtlin nakhnga thlacam rih usi.

Donghnak: Pu Duh Tling Mang le Pi Duh Khun Hniang te i an fapa pahnihnak Pa Bawi Khamh Cung damlo siizung zohnak ah zaanghlei a rak chuahtu nan dihlak cung ah kan i lawm hringhran. Pathian nih thluachuah in pe chin hram hna seh.

Donghnak: Building Fund kha kan hnuzarh kha a donghnak a si nain a sia a herh mi kan tam ca ah Treasurer Saya Joshua Mang Neih Cung, Pu Tha Peng Kam le Val R. Van Lian Thawng sin ah pek khawh a si rih. Zaanghlei rak chuah cio ding in kan in sawm hna.

Donghnak: Kumcheu chung Lai ram le Lai Miphun cuanhnak cu General hnatlaknak in Yangon Lautu Baptist Church i biakinn saknak bawmh ding a si bang kan hnuzarh khaw a donghnak a si. Tuzarh zong pek khawh a si rih. Zaanghlei rak chuah cio rih ding in kan in sawm hna. Treasurer Saya Joshua Mang Neih Cung, Pu Tha Peng Kam le Val R. Van Lian Thawng sin ah pek khawh a si.

Dec. 31 zan cu Biakinn ah 11 PM in Kumthar don a si lai. Pumh dih in kumhlun thlahnak le kum thar donnak zong a um lai. Bible caang zuh le thlacam`inak zong a um lai ca ah kan caan tenh khawh cio rak i zuam ding in kan in sawm hna. Kumthar ni cu 2 pm in Biakinn ah pumhnak kan ngei lai Pumh dih in i hawikomhnak zong peh colh a si te lai i Chin House ah zanriah kan dumṭi te hna lai.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

Kan ramlei ah a va tlawng ta mi nih an chungkhar he kumthar an hman khawh nakhnga le an i timh mi a tlamtlin nakhnga

Korea ram le kan ram ca ah thlacam kan in sawm hna.

CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

Bible caang thim: “Nan ca i ka tinh mi cu keimah lawnglawng nih ka hngalh, tiah Bawipa nih a ti. Cucu vanchiatnak si lo in thluachuahnak a si lai i nan hnu i a rung um ding tefa tampi kong a si lai.” [Jerimiah 29:11]

A rianthiang ah,

Ni Chum Er

Church Secretary