Dear Chungkhar hna,

Dam in nan um ttheo lai tiah ruahchannak ka ngei. Tu zarh kan pumh caanhmannak ka rak in kuat hna.

​Tuzarh pumh dih ah EC meeting a um lai ca ah EC chungtel le Adviser te nan zate in meeting kai ding in kan in sawm hna.

Pi Esther Tun le Leng Hnem Za Nuam te siizung um veh can ah a tlawm bik won 10,000 cio kan asst. treasurer Pu Duh Tling Ceu sin ah nan rak pek naklai kan in sawm hna. Damnak tlamtling an hmuh nakhnga thlacam rih usi.

Rev. Taan Mang i a nau Pu Sui Hu bulhnak cu a tlawm bik won 10,000 cio kan asst. treasurer Pu Duh Tling Ceu sin ah nan rak pek naklai kan in sawm hna. Tantaak mi chungkhar tuarpi bu in ttan rak la cio ding in kan in sawm hna.

Ralvennak kha April thla thih ah a hnu bik thawh ding a si ca ah kan treasurer Saya Joshua Mang Neih Cung sin ah nan rak thawh naklai kan in nawl hna.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

Pastor thaisung nu, Saya Joshua Mang Neih Cung, Pi Esther Tun, Pi Cing Lian Dim, Leng Hnem Za Nuam, Val Roland Van Lian Thawng a nu nih damnak thiang an hmuh khawh nakhnga

Pu Joel Za Lian Sang cu Apr 20 ni ah kan ramlei ah a va tlawng ta. Aug. zarh khatnak ah rak kir ṭhan ding a si i a lam a tluan nakhnga thlacam rih usi.

Campaign cawnpiaktu kan sawm khawh nakhnga

Korea ram le kan ram ca ah thlacam kan in sawm hna.

CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

Bible caang:

Zeizong vialte ah toidornak le nunnemnak le lungsaunak le dawtnak in pakhat le pakhat i nawlthiam u. I remte in Thlarau ah pumkhat si awkah nan lung tho peng ko u.
[Efesa 4:2-3]

Hla ngaih awk: 주의 옷자락 만지며 [ Junto a tus Pies ] (어노인팅) – 여고생 커버 [https://youtu.be/HzL624WrMm4]

Khrih ah nan hawi,
Ni Chum Er
Church Secretary