Dear chungkhar hna,

Kan ngaih ngai mi "Avoi 3nk CMC Campaign" zong a ni caan aa naih chin thluahmah. Kan ca le kan rian chikkhatte philh ta in kan thinlung innka hun cio hna usi. Atu kan kal nakding hmunhma a ngeitu Khrihfabu zong nih tuzarh zarhpi ni hi kan ca ah thlacamnak an kan ngeihpiak lai. Lamhlat ah a um mi kan hawile zong tlunkalnak ticket an ting ti lo i lam dangdang an kawl lio cio a si.

– A voi 3nk CMC Campaign cawnpiaktu Rev. Chan Ling cu Oct. 30 ni zing sml 9:50 ah a phan ding a si. Tuzarh hi amah nih Thawngṭha a kan chimh lai i Bawipa zanriah zong a kan pek te lai. Damte in a phanh khawh nakhnga le campaign zong tluangte in kan lim khawh nakhnga thlacam kan in sawm hna.

– Kan hawikom tete zong sawm khawh cio i zuam hna usi. A tang link ah hin Event kan rak tuah.

https://www.facebook.com/events/124321888228238/

– Thawhvo: Tutan hi CMC nih rin ding in timhtuah a si nain a ni caan le a hmun hoih in a dih ding a tam deuh ca ah thawhvo kan run hrih tthan.

1. Rianṭuan kho: won 30,000,

2. Siangngakchia: won 15,000,

3. Chungkhar: won 30,000,

4. 2017 chungtel thar: Sian tawk

5. Khual: won 30,000



– Pi Sui Khun Ṭial cu nau siizung ah nihin chun in an i cawng i damte in an ṭum khawh nakhnga thlacam kan in sawm hna.

– Val Dawt Hlei Lian cu Sep. 17 zan in a Saikal (Setping) le Mawṭaw pah ruang ah siizung ah a um i Sep. 28 ni ah siizung in a ṭum cang. A dam zau nakhnga thlacam kan in sawm hna.

– Val Cung Lian Aung nih a nu bantuk ah aa ruah mi a u (a pa u fanu) nih a kan liamtak i CMC kan ngaih a chia kan ti lio ah a u thlan hmanh a thlak hlan ah Hakha i a um mi a u (a pa u fa) ṭhiamṭhiam nih a kan liamtaak ṭhan. Tantak mi chungkhar nih a tuarzia an thiam nakhnga thlacam kan in sawm hna.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

– Khual ah a um mi Val Van Nun Ṭha le Val Tluang Cung Thang an khuallam a tluan nakhnga

– Korea ram le kan ram ca ah thlacam kan in sawm hna.

– CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

– Hla ngaih awk: Hillsong thangtthat hla sml 1 chung ngaih awk [ https://youtu.be/qCZAynQU_-8 ]

– Bible caang thim: Khamhnak cu nan luchin ah i chinh u law Pathian bia Thlarau vainam cu i bei u. [Efesa 6:17]

Khrih ah nan hawi,

Ni Chum Er

Church Secretary