Dear Chungkhar hna,

+ Tuzarh kan caanhmannak le kan thawng tete kan run thlah tthan.

+ A voi 3nk CMC Campaign cu Oct 3 in 7 tiang Rev. Chan Ling cawnpiaknak in tlamtlingte in kan tuah kho. Amah le a rak kan thlahpiaktu Pathian le Adelaide Chin Christian Church cung ah CMC kan i lawm hringhran. A kai kho mi 109 kan si. Khual 15 nih an kan telpi khawh. Rev. Chan Ling zong Oct. 11 ni zanlei in Australia lei ah aa thawh i Oct. 12 ni ah damte in Adelaide a phan kho cang.

+ Campaign program kip ah a tlamtlin nakhnga a lam kip in zaanghlei a rak chuahtu nan dihlak cung ah le pechantu nan dihlak cung ah kan i lawm hringhran.

+ Val Van Nun Ṭha cu damte in kan sin ah a phan cang.

+ Val Dawt Hlei Lian cu Sep. 17 zan in a Saikal (Setping) le Mawṭaw pah ruang ah siizung ah a um i Sep. 28 ni ah siizung in a ṭumcang. Chungtel pakhat cio nih kan phung ning bang in siizung um zoh can ah a tlawm bik won 10,000 cio kan Asst. Treasurer Pu Duh Tling Ceu sin ah nan rak pek cio naklai kan in sawm hna.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

+ Pi Sui KhunṬial a dam zaunak hnga

+ Khual ah a um mi Val Tluang Cung Thang a khuallam a tluan nakhnga

+ Chin Kumthar zong Oct. 22 ni ah tlamtling in kan tuah khawh nakhnga

+ November 5 ni ah tuah ding mi Val Za Bawi Thawng le Leng Ni Van Sung Lian te `hitum kutsih thlacamnak a tlam a tlin nakhnga

+ Korea ram le kan ram ca ah thlacam kan in sawm hna.

+ CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

+ Hla ngaih awk: 주님다시오실때까지 [Until the Lord Returns] [https://youtu.be/tFntlsYm5OE]

+ Bible caangthim: "Zumhnak cu ruahchanmi thil fiannak le kan hmuh rih lo mi thil hngalhnak a si" [Hebru 11:1]

A rian thiang ah,

Ni Chum Er

Church Secretary