Dear chungkhar hna,

Tuzarh kan pumh caan hmannak le kan thawng tete kan run thanh tthan. Zarhte zan cu Mino thlacam pumh zan si lo in Chin House tu ah thlacam pumhnak kan ngei te hna lai. Tu zarh cu Mission kong chimnak le mission chaw khawlhnak a um lai.

+ Val Dawt Hlei Lian cu zarhpi (Sept. 17) pumhnak in Saikal (Setping) he a ṭin lei ah Mawṭaw he an i pah i lam khamnak ah aa su. A mittlang a tlek i a har chung a hmairuk a kak. Yatap station, exit 3, kekal in minit 5 a hlatnak hmun ah a um mi CHA siizung ah 119 in an tlikpi. Sept. 21 ni chun 12 ah operation cu an tuah khawh. Siizung ah zarh khat cung a um rih lai. A dam zau nakhnga thlacam kan in sawm hna.

+ Val Tluang Cung Thang cu Sept. 21 ni ah kan ram lei ah a va tlawng ta. A khual lam a tluan nakhnga thlacam kan in sawm hna.

+ Val Cung Lian Aung nih a nu bantuk ah aa ruah mi a u nih a kan liamtak i CMC kan ngaih a chia. Tantak mi chungkhar nih a tuarzia an thiam nakhnga thlacam kan in sawm hna.

+ Cimnuai Pastor Vungh Thawn te nih International Revival Hero tuah an tim i an kan sawm. Sept. 24 zanlei 5 Incheon um Worldwide Church 4F ah a si lai. Buffet in zanriah hman a si lai.

+ Youth Fellowship nih HP laptop computer ting riat man August 14 ni ah khan an kan cawkpiak. An cung ah kan i lawm hringhran.

+ Campaign dih zan (Oct. 6) ah mini show Youth Fellowship hruainak in tuah a si lai i min cazin cu Val Van Za Lian le Pu R. Van Lian Thawng sin ah pek khawh a si cang. I tel cio ding in kan in sawm hna.

+ 2017 CMC Campaign ca ah chaw in siseh, eidin phun in siseh i tel ding in kan in sawm hna. OC upa sin ah thawngthanh khawh a si.

+ Pumh hlan sml 1pm ah EC meeting a um lai ca ah EC upa le Adviser te kha meeting ah nan rak chuah naklai kan in sawm hna.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

+ Khual ah a um mi Val Van Nun Ṭha a khuallam a tluan nakhnga

+ 2017 CMC Campaign (Oct. 3-7) tlamtlingte in kan tuah khawh nakhnga

+ Cawnpiaktu Rev. Chan Ling kan sin ah damte in a phanh khawh nakhnga

+ Korea ram le kan ram ca ah thlacam kan in sawm hna.

+ CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

Hla ngaih awk: Hosanna – The Hillsong [ https://youtu.be/_njppiV8EZE ]

Bible caang thim: "A si kun ahcun zeicahdah tangka cu tangka chiahnak beng [Bank] ah na rak chiah lo? Rak chia law cu, ka kir tikah hin a miak he ka hmu hnga lo maw?’ tiah a ti." [Luka 19:23]

A rian thaing ah,

Ni Chum Er

Church Secretary