Dear chungkhar hna,

Tuzarh kan pumh caanhmannak le kan thawng tete kan run thlah ṭhan.

Tuzarh (Sept. 10) cu Pumh dih ah kan Pastor kong he pehtlai in a voi 30nk General Meeting (Lakhruak General Meeting) a ngei ding kan si. Chungtel kan dihlak in tel khawh cio i zuam ding in kan in sawm hna.

Tuzarh zanriah cu Pu Thawng Mang le Pi Kim Eun Hye te nih an u an ṭa a si mi Rev. Chan Hleih nih a limtaaknak hna kum khat tlin philhlonak ah zanriah an kan hrawmh mi a si. An ca ah thlacam kan in sawm hna.

Kan Pastor le a chungkhar cu kan ramlei ah Sept. 5 ni in an i thawh i damte in an phan cang. Mawṭaw in a thlahtu Lee Hana te chungkhar le a thlah kho tu nan dihlak cung ah kan i lawm hringhran. An i timh mi an tlam a tlin nakhnga thlacam kan in sawm hna.


Dr. Dorene Van Bik (Sept. 3) le Val Van Thawng Ling (Sept. 5) zong kan ram ah damte in an phan cang. Pakhat cio an i timh mi an tlam a tlin nakhnga thlacam kan in sawm hna.



2017 CMC Campaign cu Oct. 3 (cawn nihnih) in kan i thawh lai i Oct. 7 (zarhte) ni ah kan kir te lai. Phanh ni ah zan pumhnak kan ngei lai i Oct. 4-6 tiang cawnnak ngeih a si lai. Cacawn ninga zan ah Youth Fellowship hruainak in Mini Show zong a um lai i zarhte ni cu zaangleknak in caan hman a si te lai. Campaign committee zong ser a si cang i hmuhma an kawl lio cuahmah a si.

Pa Bawi Khamh Cung le a nu (Pi Duh Khun Hniang) cu Guro Siizung (구로병원) in an ṭum kho cang.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

Khual ah a um mi Val Van Nun Ṭha a khuallam a tluan nakhnga

Campaign cawnpiaktu kan sin ah damte in a phanh khawh ding in atu hi tawlrel cuahmah lio pi a si i a tlamtlin nakhnga thlacam kan in sawm hna.

Korea ram le kan ram ca ah thlacam kan in sawm hna.

CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

Hla ngaih awk: Holy Is the One – Elevation Worship [ https://youtu.be/R9aq6ym_Pmg?list=PLxrEDduCd3hCJP3J-j1pXvDVfDErQ-NTS ]

Bible caang: Annih cu ahohmanh ṭih hna hlah. Zeicahtiah na sinah ka um i kan huhphenh lai”, tiah Bawipa nih a ti.” [Jeremiah 1:8]

A rian thiang ah,

Ni Chum Er

Church Secretary