Dear chungkhar hna,

Dam in nan um cio lai tiah ruahchannak ka ngei.

+ Tuzarh kan caan hmannak le kan thawng tete kan run thlah ṭhan.


+ Tuzarh zarhte ni Nubu thlacam pumh cu Pi Hla Tin Yi te inn ah a si lai.

+ Sept. 10 ni pumh dih ah a voi 30nk General Meeting (Lakhruak General Meeting) cu tlamtlingte in kan tuah kho. 2017-2018 CMC Pastor ah Rev. Taan Mang cu thim a si. Sept. 17 ni ah Pastor rian cu ap a si lai. Chungtel kan dihlak in pumh khawh cio i zuam ding in kan in sawm hna.

+ Tu zarh zanriah cu Pu Van Lian Thawng le Pi Eden Thar te nih kutsih ṭhitum thlacamnak tlamtlingte in an tuah khawh lung lawmhnak ah an kan hrawmh mi a si. Hmailei an khuasaknak ah Pathian thluachuah a dong mi chungkhar an si naklai thlacam kan in sawm hna.

+ Nihin (Sept. 15) zing sml 11am ah Rev. Tan Ceu Thang le Sayama Mary Hniang te nih Fanu dawhte an kan ngeihpiak. A pi le ka pu le a nu nih Gracia Vel Tha Par tiah an i sak. A chuak thiam ngaingai i 4.5 kg a si. An i tthennak hi Seoul khualipi um Grace Hospital ah a si. Damte in a nu he siizung in an ṭum khawh nakhnga thlacam kan in sawm hna.

+ Rev. Chan Ling cu Sept. 11 ni ah kan sin lei ratnak Visa a hmu cang. A umnak Adelaide in Oct 29 zanlei sml 3in aa rak i thawh lai i Melbourne, Singapore a run pal pah lai i Oct. 30 (zarhte ni) ni chun ah kan sin a phan te lai. Vanlawng hngah chim lo in Vanlawng cung ah sml 16 chung a um ding a si i damte in a phanhnak hnga thlacam kan in sawm hna. Ni 12 chung kan sin ah a caam lai i Oct. 11 ni zanlei ah a kir ṭhan te lai. A lamkip in a tlunkalnak ca ah a tawlreltu kan President le Nubu President cung ah kan i lawm hringhran.


+ 2017 CMC Campaign ca ah chaw in siseh, eidin phun in siseh i tel ding in kan in sawm hna. OC upa sin ah thawngthanh khawh a si.

+ Pu Ṭuan Sang mawṭaw in campaign ca hmuhma va zoh ding a si i a tlamtlin nakhnga thlacam kan in sawm hna.

+ Tuzarh pumh hlan ah YF hruainak in zaangleknak a tuah ding kan si i i tel cio ding in kan in sawm hna.

+ Pumh dih ah YF EC meeting a um lai ca ah adviser te le EC upate pellote in tel khawh i zuam ding in kan in sawm hna.

+ Chin House ah kan chiah tawn mi Gas dur kha cozah lei nih inn chung ah chiah a ngah lo an ti in inntang vawilei ri in thir tipet in kaiter a si cang. Chin House lei ṭuanvo ngei nih a hman ning an kan chimh ning in zulh khawh i zuam hna usi. Gas tipet tuahnak a rak tawlreltu Val George Bawi Hlei Hre cung ah kan i lawm hringhran.

+ Cha Yong-Sun (Yonsin Church) nih Biakinn saknak ca ah tiah won 150,000 a kan hlut.

+ #Donghnak: Val Thawng Thuan Lan i a nau Nu Cecilia No Hnem Par bulhnak cu a tlawm bik won 10,000 cio kan asst. treasurer Pu Duh Tling Ceu sin ah nan rak pek naklai kan in sawm hna. Taantaak mi chungkhar tuarpi bu in ṭan rak la cio rih usi.

Thlacam ding:

+ CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

+ Khual ah a um mi Val Van Nun Ṭha a khuallam a tluan nakhnga

+ 2017 CMC Campaign (Oct. 3-7) tlamtlingte in kan tuah khawh nakhnga

+ Cawnpiaktu Rev. Chan Ling kan sin ah damte in a phanh khawh nakhnga

+ Korea ram le kan ram ca ah thlacam kan in sawm hna.

+ CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

+ Hla ngaih awk: Bless the Lord Oh My Soul – Jenn & Brian Johnson [ https://youtu.be/tdKz_mVt0to ]

+ Bible caang thim: “Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.” [Biathlam 2:10]

A rian thiang ah,

Ni Chum Er

Church Secretary