Dear chungkhar hna,

Tuzarh kan pumh caan hmannak le kan thawng kan run thlah ṭhan.

​​

– Tuzarh zanriah cu kan Pastor te chungkhar le Dr. Dorene Van Bik thlahnak tuah a si lai i Chin House ah zanriah kan dumṭi te hna lai.

– Kan Pastor le a chungkhar cu Sept. 5 ni khi kan ram lei ah a tlung ding an si i tuzarh hi a hnu bik kan sin ah an i tel khawh ni a si pin ah amah thawngṭha chimnak le Bawipa zanriah peknak in caan a hmang ding kan si. Chungtel kan dihlak nih an kuttlaih khawh i zuam cio ding in le an lam a tluan nakhnga thlacam ding kan in sawm hna.


– Dr. Dorene Van Bik cu Sept. 3 ni khi kan ramlei ah a kir cang lai. Aa tinh mi a tlam a tlin nakhnga thlacam kan in sawm hna.


Thlacam ding:

– CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

– Campaign cawnpiaktu kan sin ah damte in a phanh khawh ding in atu hi tawlrel cuahmah lio pi a si i a tlamtlin nakhnga thlacam kan in sawm hna.

– Korea ram le kan ram ca ah thlacam kan in sawm hna.

– CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

– You Are On Our Side : Elevation Worship [ https://youtu.be/o2K_pxU9Oh0?list=PLxrEDduCd3hCJP3J-j1pXvDVfDErQ-NTS]

– Daihnak le dawtnak cu zumhnak he, Bawipa Jesuh Khrih i a Pa le a Pathian nih in pe ko hna seh. 24A thi kho lomi dawtnak in kan Bawipa Jesuh Khrih a dawmi nan dihlak cungah Pathian vel cu um ko seh. [Efesa 6:23-24]

A rian thiang ah,

Ni Chum Er

Church Secretary