Dear Chungkhar hna,

Dam in nan um cio lai tiah ruahchannak ka ngei. Tuzarh kan caanhmannak kan run kuat ṭhan.


– Kan Treasurer hlun Pu Joel Za Lian Sang zong kan sin ah damte in a phan cang.

– July 30 ni khi Grace Myanmar Christian Fellowship he pulpit thlennak a ngei ding kha an tlam a tlin deuh lo ca ah a hnu ah tuaktan ṭhan ding a si.

– Val Roland Van Lian Thawng le Leng Eden Thar te kutsih ṭhitum thlacamnak zong zapi telpinak le thlacampinak thawng tlam a tling. Zapi cung ah kan i lawm hringhran.

– Kumcheu General Meeting cu July 23 ni ah tlamtling in aa lim i zapi cung ah kan i lawm. Pathian nih CMC ṭhanter chin hram seh.

– Pi Esther Tun le Leng Hnem Za Nuam te siizung um veh can ah a tlawm bik won 10,000 cio kan asst. treasurer Pu Duh Tling Ceu sin ah nan rak pek naklai kan in sawm hna. Damnak tlamtling an hmuh nakhnga thlacam rih usi.

– Rev. Taan Mang i a nau Pu Sui Hu bulhnak cu a tlawm bik won 10,000 cio kan asst. treasurer Pu Duh Tling Ceu sin ah nan rak pek naklai kan in sawm hna. Tantaak mi chungkhar tuarpi bu in ṭan rak la cio ding in kan in sawm hna.

Thlacam ding:

CMC member pakhat cio (1) kan sianginn kainak (2) Visa kan soknak (3) rian kan ṭuannak le rian kan kawlnak ah kan tlamtlin khawh nakhnga (4) tlaihkhih in kan him nakhnga (5) Kan ram i a um mi kan chungkhar ca ah (6) Committee cio rianṭuannak le hruaitu hna ca ah (7) Taksa le thlarau lei in a ngan a dam mi khrihfa bu kan si zungzal nakhnga (8) Mission rian kan ṭuannak ca ah (9) Chin House le Biakinn kan ngeih khawh nakhnga le (10) Biakinn a kan hlantu Hindol khrihfabu ca ah thlacam rih hna usi.

– Campaign cawnpiaktu kan sin ah damte in a phanh khawh nakhnga

– Korea ram le kan ram ca ah thlacam kan in sawm hna.

– Hla ngaih awk: Susanna Min – ရွင္ျခင္းအသက္ [ https://youtu.be/2B-diO46nhs ]

– Bible caang thim: Nangmah ah himnak a hmumi cu an i lawm lai i lawmhnak in hla an sa zungzal lai. Nangmah an dawmi cu na huhphenh hna, nangmah thawngin lawmhnak taktak an hmu. [Salm 5:11]

– CMC rianṭuannak kip ah pechantu nan cungah kan i lawm tuk, Bawipa nih thluachuahnak a let tampi in in pe cio ko hna seh.

A Rian Thiang ah,

Ni Chum Er

Church Secretary