Ka Pa nih ka min in Bawmtu, Thiang Thlarau a run thlah laimi nih,
Zeizong vialte kha an cawnpiak hna lai i kan chimhmi vialte hna kha nan lung an pemter hna lai.
Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo.
Lungrethei le vansang au in um hlah u; nan thin zong phang hlah u;
Kan kaltak hna lai, sihmanhsehlaw nan sinah ka ra tthan lai ka ti pei nan theih ko kha. Nan ka dawt ahcun ka Pa sin i ka kal lai hi nan i lawm lai.
Thil a hung si taktak tikah nan zumh khawh nakhnga, mah hihi a hlankan in ka rak in chimhchung hna.
Cucaah khuazakip ah va kal u law miphun vialte kha a ka zultu ah va ser hna u; Pa le Fapa le Thiang Thlarau min in tipilnak va pe hna u law kan fialmi vialte hna hi an zulh nakhnga va cawnpiak hna u.
Cun hihi philh hlah u, nan sinah a zungzal in caan dongh tiangin ka um lai.
Ka Pa nawlbia kha ka ngaih i a dawtnak chungah ka um bantukte hin ka nawlbia nan ngaih ahcun ka dawtnak chungah hin nan um ve lai.
Ka lunglawmhnak kha nan chungah a um i nan i lawmhnak cu a tlin nakhnga, hi bia cu kan chimh hna.
Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u, tiah kan fial hna.
Cucaah ka min in nan halmi paoh cu ka Pa nih an pek hna lai.