Jesuh cu biakinn ah khan a va lut i biakinn chung i chaw a rak zuarmi le a rak cawmi kha a tthawl dih hna; tangka thlengtu pawl cabuai le laileng zuartu pawl tthutdan kha a leh dih hna i;

Annih cu, cathiang chungah Pathian nih ka inn cu thlacamnak inn a si lai, a ti, tiah aa ttial; Sihmanhsehlaw nannih nih cun mifir kua ah nan ser cang, tiah a ti hna.

Jesuh cu a rak tlonlennak Nazareth khua ah khan a va kal i Sabbath ni ah cun hmasa i a rak tuah tawn bantuk khan pumhnak inn ah a kal.

Cathiang rel awkah khan a hung dir i Profet Isaiah cazual kha an pek.

Cazual cu a vun samh i,

Aa ruangin:
Bawipa thlarau cu ka cungah a um. Sifakmi hna sin i thawngtha chim awkah chiti a ka thut i saltangmi hna sin i luatnak thanh awkah a ka thlah. Mitcawmi hna sin i khua hmuh tthannak pek awk le hremmi hna luatter dingah a ka thlah. Bawipa nih a mi hna a khamh hna lai ding kum cu va thanh awkah a ka thlah, tiah aa ttialnak hmun kha a rel.

Annih cu a tawh hna i, “Hika Cathiang caang hi nannih nih ka rel tikah nan theih bantukin, nihin ah hin a tling cang,” tiah a ti.

An lung a hmuh ngaingai hna i bia dawhdawh a chimmi nih khan an khuaruah a harter dih hna.