Areopagas i aa pummi hna hmaiah cun Pawl cu a dir i, “Athens khuami hna, nannih cu biaknak lei thil paohpaoh ah zuamnak lungthin a ngei ngaingaimi nan si kha ka hmuh. Zeicahtiah nan khua chung i kaa chawh i nan biaknak hmun kha ka zoh hna tikah biak ttheng pakhat cu a cungah, ‘Hngalhlomi Pathian caah’ tiin aa ttial kha ka hmuh.
Cu nan biakmi cu, a hngalh cu hngal hmanh hlah u law, nan sin i kan thanhmi hna hi a si.
Vawlei le a chung i a ummi thil vialte a sertu Pathian hi vancung le vawleicung Bawi a si i minung sermi biakinn chungah a ummi a si lo.
Cu hlei ah Pathian cu minung kha nunnak le thaw le zeizong vialte a petu a si caah minung nih an tuahpiak khawhmi kha a herhmi pakhat hmanh a um lo.
Minung pakhat chungin miphun vialte kha a ser hna i vawlei cungah hin khua a sakter hna. A hlankan in an caan le an umnak hmun kha a khiahpiak hna.
Amah chungah khan nung, kan cawl kan cang i khua kan sa, an ti bantuk le, nan hlaphuahtu hna nih, ‘Kanmah zong a tefa kan si ve,’ an ti bantuk kha a si.
Cucaah Judahmi le Jentailmi, sal le luatmi, nu le pa karah zeihmanh thleidannak a um ti lo. Khrih Jesuh he nan i pehtlaihnak thawngin pakhat nan si dih cang.
Kannih nih Pathian kan dawt cu Pathian nih a kan dawt hmasa caah a si. Mi zeimaw nih, ‘Pathian ka dawt,’ a ti i a unau a huat ttung ahcun amah cu mi lihchim a si.
Zeicahtiah a hmuhmi a unau hmanh a dawt khawh lo ahcun a hmuh lomi Pathian chinchin cu a daw kho lai lo.
Cucaah Khrih nih a kan fialmi cu hihi a si: Pathian a dawmi nih cun nan unau kha nan dawt hrimhrim hna lai.