Ka fapa, Khrih Jesuh he kan i pehtlaihnak thawngin kan hmuhmi Pathian vel nih tthawnnak in pe ko seh.

Tehte tampi hna theih ah ka chimmi bia kha i lak law midang a cawnpiak kho ve dingin na zumhmi hna kha va kenter hna.

Na kum a no ruangah ahohmnah nih in zawmhtaih hna hlah seh; sihmanhsehlaw na biachim, na holhrel ah siseh, na ziaza ah siseh, dawtnak, zumhnak le thiannak na ngeihmi ah siseh, zumtu hna caah tahchunh awktlak va si tuah.

A rian a zahpi lomi, Pathian biatak hmaan tein mi a cawnpiaktu saya bantukin Pathian hnatlaknak kha na hmuh khawh nakhnga fakpi in i zuam.

Jesuh cu khualtlawn ah aa thawh tthan i cu lioah cun mipa pakhat a hung tli, a hmaiah a khuk aa bil i, “Saya, nangmah cu mittha na si, zungzal nunnak hmuh awkah zeidah ka tuah lai,” tiah a hal.

Jesuh nih cun, “Zeicahdah saya ttha na ka ti? Pathian dah ti lo cu ahohmanh a tthami an um ttung lo.

Nawlbia kha na hngalh ko ttung hna; lai va nawng hlah, nupi cung le va cung in midang cungah sual hlah, fir hlah, lih chim hlah, mi va hleng hna hlah, na nu le na pa upat hna,” ti pei an si kha tiah a ti.

Cu pa nih cun, “Saya, hi nawlbia vialte cu ka ngakchiat lioin ka zulh dih ko cang hna,” tiah a ti.

Dawtnak lungthin he Jesuh nih dengteo in a vun zoh I

Pakhat lawnglawng na bau, va kal law na ngiehmi thil vialte kha va zuar law tangka cu sifakmi kha va tthen hna, cun vancung ah rothil na ngei lai; cun ra law ka zul,” tiah a ti.