Pathian nih pahrang aka pekmi kha ka hman i inn sak a thiam ngaingaimi bantukin inn saknak ding a hram kha ka bunh, cun a dang pakhat nih a cungah khan a run sak.
Sihmanhsehlaw zeitindah kan sak ti kha ahohmanh kan i ralrin cio awk a si.
Zeicatiah Pathian nih Khrih Jesuh lawnglawng cu a hram caah khan a chiah cang i hram dang zeihmanh a chiah awk ding a um ti lo.
Cu hram cung i saknak thilri caah a cheu nih sui maw ngun maw lungvar man sung maw an hman hna lai; cun a cheu nih thing maw di maw capawl maw an hman hla lai.
Cu an sak ciomi cu zeidah an lawh taktak ti kha Khrih Ni nih a langhter te hna lai. Zeicahtiah cu Ni mei nih cun an rian tuan mi kha a hneksak cio hna lai i zeidah an lawh taktak ti cu mei nih cun a langhter lai.
Innsaknak hram cungah pakhatpa nih inn a sak i cu a sakmi cu mei nih khan a hrawh khawh lo ahcun, cu pa nih cun laksawng a hmuh lai. Asinain ahohmanh a sakmi inn cu a kangh dih ahcun, cu inn cu a sung ko lai; mei chungin luat bantuk khi a si lai nain amah cu khamh a si ko lai.
Pathian biakinn nan si kha nan hngalh i Pathian Thlarau nan chung i a um zong kha nan hngalh. Cucaah ka u le ka nau hna, Pathian nih a kan zaangfahnak a nganmi ruangah hin Pathian sinah a nung in pekchanhmi raithawinak bantukin i pe tuah u;
Hi vawlei kalning hin kal ve lengmang ti hlah u, sihmanhsehlaw chunglei in Pathian nih nan lungthin kha a dih-umnak in in thleng hna seh.