Bawipa min a aumi paoh cu khamh an si lai.
Sihmanhsehlaw an zumh lo ahcun zeitindah a min cu an auh khawh lai? Cun bia kha an theih lo ahcun zeitindah an zumh khawh lai” Cun bia cu chimh an si lo ahcun zeitindah an theih khawh lai? Cun lamkaltu kha an thlah an thlah hna lo ahcun zeitindah bia cu thanh a si khawh lai?
Cathiang nih, Thawngtha a chimtu hna ke cu a vaa dawh dah, a ti bantuk khan a si taktak.
Cucaah zumhnak cu bia theihnak thawng khan a um i bia cu Khrih kong chimnak thawng khan a um.
Vailamtahnak i Khrih a thihnak kong hi a tlau lio lengmangmi hna caah cun pakpalawng bia a si ko, sihmanhsehlaw khamh lio lengmangmi hna kannih caah cun Pathian hmual a si.
Thawngtha hi ka zahpi lo; zeicahtiah a zummi vialte hna caah Pathian khamhnak hmual a si, Judahmi hna caah a si hmasa i cun Jentailmi hna ca zongah a hung si.
Cucu zeitindah a hung si ti ahcun, Thawngtha nih cun Pathian nih zeitindah minung kha Amah he aa remter hna ti kha a langhter i Cathiang nih, zumhnak thawngin Pathian he aa remmi cu an nung lai, a ti bang khan, Pathian he i remnak cu a hram in a dongh tiang zumhnak thawngin a si.
Sihmanhsehlaw kannih cu vailamtahnak cung i thahmi Khrih kong kha kan chim i cu kong cu Judahmi hna caah cun tluknak lung a si i Grikmi hna caah cun hruhnak bia a si. Pathian nih a kawhmi hna ca tu ah cun Judahmi an si zongah, Jentailmi an si zongah, cu bia cu Khrih kha a si i Khrih cu Pathian hmual le Pathian fimnak kha a si.