Cucaah laksawng phun dangdang kan hmuh ciomi cu Pathian nih a kan pekmi vel kan hmuhning cio in hmang hna u sih.
Pathian bia chim thiamnak a si ahcun zumhnak kan ngeihmi ning khan kan hman awk a si; midang ca riangtuan kha a si ahcun cuticun kan tuan awk a si; cawnpiak kha a si ahcun kan cawnpiak hna awk a si.
Midang thazang pek kha a si ahcun kan pek hna awk a si; kan ngeihmi thil midang hei hrawmh ve kha a si ahcun, siang tein kan hrawm hna awk a si.
Nawlngeihnak kha kan laksawng hmuhmi a si ahcun, fak piin rian kan tuan awk a si; midang zaangfah kha a si ahcun lunglawm tein kan zaangfah hna awk a si.
Hihi philh hlah u; thlaici tlawmte a tuhmi nih cun theipar thlawmte a zun tawn, tampi a tuhmi nih cun tampi a zun tawn.
Cucaah nanmah le nan lungthin nan i thleh ning cio in rak tho u, nan thawh tikah i ngaihchih bu le hnekchom in si hlah seh, lunglawm tein a thomi kha Pathian nih a dawt hna.
Kan i dawtnak hi lungthin taktak in a si awk a si.
Cun zumtu hna cu, an bu ningte in, an ruahnak le an lungthinaa khat dih. Ahohmanh nih an thil kha, keimah ta, an ti lo i an ngeihmi paoh kha an i hrawm dih. Lo a ngeimi nih si hna seh, inn a ngeimi nih si hna seh, an thilri cu an zorh hna tikah a man tangka an hmuhmi cu lamkaltu hna sinah khan an rak put hna i tangka cu a herhmi paoh kha an herhbaunak ning cio in an phawt hna.