A zungzal in i lawm u, a zungzal in thlcam u, zei bantuk thil na ton hmanh ah lunglawm in um uh; Khrih Jesuh chung i nan nun ning ah hin hitihin nung hna seh tiah Pathian nih an duh hna.
Hla dawh in pakhat le pakhat i chawn u, Bawipa cu hla le aw dawh in nan lung taktakin thangthat u. Kan Bawipa Jesuh Khrih min in zeizong kip caah Pathian cu lawm u.
Nangmah kongah Pathian kha kan lawmh zungzal i thla kan cam fate nanmah kha kan in campiak zungzal hna.
Nan zumhnak cu rian tuannak ah nan langhter ning le dawtnak nan ngeihmi nih fak piin rian aan tuan ter hna ning le kan Bawipa Jesuh Khrih chung i ruahchannak nan ngeimi a fehning kha Pathian kan Pa hmaiah kan philh lo.
Kan Bawipa Jeush Khrih thawngin teinak a kan petu Pathian cu thangthat si ko seh.
Khrih nih an pekmi hna daihnak kha nan lung chung i biaceitu ah ser u. Cun lunglawmhnak in khat u.
Khrih bia cu nan lung chungah a fimnak he khan tam piin um she. Fimnak in pakhat le pakhat i chim u law i cawnpiak u. Thangthatnak hla, Pathian biaknak hla le hla thiang kha sa hna u. Pathian kha lawmhnak in hla in thangthat u.
Pathian kan Pa cu Khrih thawngin nan lawmh caah nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.