Doh is G
1. Maw Bethlehem nang khua hmete, Dai tein na um ziar ko! Naa hngilh karah nangmah cungin, Dai tein arfi an lan. A daimi na lam cung ah, Zungzal ceunak a tlang, Kum tam ruahchannak le tihnak, Nangmah ah an i tong.
2. Maw nannih deirel arfi hna, Mithiang chuahnak kha chim u, Pathian thangthat in mi sinah, Daihnak um ko seh, ti in. Meri nih Khrih a hrin cang, Vancungmi an i pum, Mi hngilh lioah an rung tum i, Dawtnak in an rung zoh.
3. Dai te in khuaruahhar bikmi, Laksawng cu a kan pek cang; Pathian nih a van thluachuahnak, Vawlei mi kha a cheuh hna. Leicung mi nih a rat thawng, An thei kho lo nain, Lungnemmi vialte lung chungah, Bawi Khrih cu a lut lai.
4. A thiangmi Bethlehem Ngakchia, Kannih sinah rung tum tuah, Kan sualnak hlonh in kan chungah, Lut law nihin hring than tuah; Vanmi nih Khrismas lawmhnak, An chimmi thawng kan theih, Kan sin ra tuah, Kan sin um tuah, Kan Bawi Immanuel.