CHIN MISSION KHRIHFABU PHUNGHRAM

THE CONSTITUTION OF CHIN MISSION CHURCH
DAL I (Min)

1. Hi Khrihfabu min cu Chin Mission Khrihfabu tiah ti a si. Mirang holh in Chin Mission Church, a tawinak in CMC tiah ti a si.

2. Hi Phunghram cu Chin Mission Khrihfabu i hruainak Chin Mission Khrihfabu Phunghram tiah ti a si. Mirang holh in The Constitution of Chin Mission Church tiah ti a si.

DAL II (A UMNAK)

3. Chin Mission Church cu South Korea ram ah a um.

DAL III (TINHMI)

4. Chin Mission Church nih aa tinhmi cu a tanglei bantuk in a si lai.

(a) Korea a phanmi Chin mi dihlak nih Pathian dawtnak kan cohlan i kan i nunpi khawh nakding ca ah
(b) Pathian min lianhnganternak le Pathian rian thuk deuh le kau deuh in ṭuan khawh nakding ca ah
(c) CMC cungtel dihlak chiatṭhat kan ton tik ah kan i zohkhenh khawhnak ding ca ah
(d) Chin ram le Chin miphun bawmhchanh cawisannak ding ca ah
(e) Kan nunphung le kan caholh kilven ṭhanchoter nakding ca ah

DAL IV (DIRHMUN)

5. Chin Mission Church i a dirhmun cu a tanglei bantuk in a si lai.

(a) Chin Mission Church cu amahte in a dirmi bu a si lai.
(b) Chin Mission Church cu aho bu kut tang hmanh ah a um lai lo.
(c) Chin Mission Church i a ngeihmi thil vialte cu CMC a rawh sual zong ah chungtel pakhat a tan ahcun CMC min in a um lai.
(d) Chin Mission Church cu zapi hnatlaknak in hrawh sual a si ahcun a ngeihmi phaisa le thilri vialte cu Chin Mission Church min in Lairam chung ka khatkhat ah pek a si lai.
(e) Chin Mission Church cu bu kip fonh kan si ca ah bu pakhatkhat i doctrine kha hram bunh in a kalpi lai lo.
(f) Chin Mission Church nih a hmanmi holh cu Laiholh (Chin) a si lai.

DAL V (CHUNGTEL - Member)

6. Chungtel (Member) kong cu a tanglei bantuk in a si lai.

(a) Chungtel (Member) sinak
CMC chung ah chungtel (member) a si kho ding mi cu a tanglei bantuk in a si lai.

(i) CMC ah a lutmi
(ii) Pathian a zummi
(iii) Chungtel sinak (membership) thawhvo tlamtling in a thawhmi
(iv) Kum tin thawhmi ralvennak ṭhate in a thawhmi

(b) Chungtel (Member) silonak
CMC chung ah chungtel (member) a si lo ding mi cu a tanglei bantuk in a si lai.

(i) CMC ah a lut lomi
(ii) Kum tin thawhmi ralvennak a tho ti lomi
(iii) Chungtel sinak in thlah cangmi
(iv) A thimi

7. CMC chungtel sinak in chuah a duhmi poh nih pastor asiloah EC upa pakhatkhat sin ah thawng a thanh lai.

8. Miphun dang nih CMC ah luh ve a duh ahcun EC nih a herh ning in ceihmai hmasa a si lai.

9. CMC phungphai bantuk in thlahmi chungtel pakhat cu Korea a rat ṭhan i, chungtel luh ṭhan a duh ahcun chungtel sinak cu a thar in a hal ṭhan lai.

10. Chungtel pakhat nih CMC he aa pehtlaihnak ah thinlung a ngei ti rua lo ti ruah ah cun, thla 6 chung CMC pumhnak ah aa tel khawh ti lo ahcun, EC rian peknak in kan pastor nih a dothlat lai i a donghnak ah EC biachahnak ning in hnatlak a si lai.

DAL VI (HRUAITU HNA)

11. Pastor
Pastor cu General nih CMC thazaang zoh in, a herh zat in a laak lai.

12. General
General chungtel cu a tanglei bantuk in an si lai.
(a) Executive Committee dihlak
(b) Officer Council dihlak
(c) Fellowship chungtel dihlak
(d) Committee chungtel dihlak
(e) Kum 18 a tlingmi CMC chungtel dihlak

13. Executive Committee (EC)
Executive Committee chungtel cu a tanglei bantuk in an si lai.
(a) Officer Council dihlak
(b) Khrihfa upa dihlak
(c) Auditor
(d) Assistant Auditor
(e) Fellowship in President cio
(f) Fellowship in Secretary cio
(g) Committee in President cio

14. Officer Council (OC)
Officer Council (OC) upa cu a tanglei bantuk in an si lai.
(a) President
(b) Vice-President
(c) Secretary
(d) Assistant Secretary
(e) Treasurer
(f) Assistant Treasurer

15. Fellowship
Fellowship cu a tanglei bantuk in an si lai.
(a) CMC nih a ngeihmi fellowship hna cu a tanglei bantuk in an si lai.
    (i) Woman Fellowship (Nu hawikomhnak bu)
(ii) Youth Fellowship (Mino hawikomhnak bu)
(b) Fellowship cu Executive Committee le General hruainak tang ah rianṭuanmi an si lai.
(c) Fellowship President le Secretary cu General nih a thim hna lai i EC chungtel an si lai.
(d) Fellowship Officer hna cu President le Secretary hruainak in an i thim lai i EC nih a fehter lai.

16. Committee
Committee cu a tanglei bantuk in an si lai.
(a) CMC nih a ngeihmi Committee hna cu a tanglei bantuk in an si lai.
     (i) Mission Committee
(ii) Chin House Committee
(iii) Christian Education Committee
(b) Committee cu Executive Committee le General hruainak tang ah rianṭuanmi an si lai.
(c) Committee chungtel cu minung 5-7 in ser a si lai.
(d) Committee President le a bawmtu cu General nih a thim hna lai i President cu EC chungtel an si lai.
(e) Chungtel hna cu Committee President le a bawmtu nih an thim hna lai i EC nih a fehter hna lai.

DAL VII (NAWLNGEIHNAK LE ṬUANVO)

17. Pastor
Pastor nawlngeihnak le ṭuanvo cu a tanglei bantuk in a si lai.
(a) Pumh caan hmannak kong ah ṭuanvo ngeitu bik a si lai.
(b) Cawnpiaknak kong ah ṭuanvo ngeitu bik a si lai.
(c) Khrihfa zumhnak le programme dangdang ah ṭhihruaitu bik a si lai.
(d) EC, OC, Fellowship le Committee rianṭuannak ah a herh ning in a tlangtlak hna lai.
(e) CMC chungtel kip nih taksa, thinlung le thlarau ṭhanchonak kan ngeih nakhnga ca ah siseh, chiatṭhatnak i zohkhenhnak ah siseh, lam hmuhsaktu a si lai.

18. General
General i a nawlngeihnak le a ṭuanvo cu a tanglei bantuk in a si lai.
(a) Chin Mission Church i nawlngeihnak sang bik a ngeitu a si lai.
(b) Thla ruk dan voi khat in kum khat ah voi hnih meeting a tuah lai.
(c) Executive Committee nih a chah khawh lo mi poh a ceih lai.
(d) CMC hruaitu a dotdot thimnak le dinhternak nawl a ngei lai.
(e) Phunghram le phungphai remh/zuh/hrawh/chapnak nawl a ngei lai.
(f) Pastor laknak le dinhternak kong ceihtu le ṭuanvo latu a si lai.
(g) Phaisa hmuhnak le hmannak ah phaisa phungphai ning in nawl ngeitu bik a si lai.
(h) Phaisa tumtlang hmannak nawl a ngei lai.
(i) A dotdot khuakhang laireltu hna nih an chuahpimi ceihkhannak, theihhngalhpinak le fehternak nawl a ngei lai.
(j) CMC budget khankhahmi fehternak nawl a ngei lai.
(k) A dotdot i hruaitu hna thimnak le fehternak nawl a ngei lai.
(l) A dotdot ṭuanvo ngeitu sin ah a herh ning in ṭuanvo peknak nawl a ngei lai.

19. Executive Committee (EC)
Executive Committee i a nawlngeihnak le a ṭuanvo cu a tanglei bantuk in a si lai.
(a) CMC hruainak ah a herhhaimi vialte a ceihkhangtu a si lai.
(b) Thla khat ah voi khat meeting a ngei lai.
(c) Lakhruak General meeting auhnak nawl a ngei lai.
(d) General meeting i biachahmi poh a ṭuantu a si lai.
(e) General meeting pakhat le pakhat karlak ah rianṭuan tawlreltu a si lai.
(f) A dotdot hruaitu hna an rianṭuannak theihhngalhpinak le ceihnak, fehternak nawl le lam hmuhsaktu a si lai.
(g) Budget le cazin checktu nih an chuahpi mi a zoh lai i General ah a chuahpi lai.
(h) General nih ri a khiah ning in phaisa hmannak nawl a ngei lai.
(i) A herh ning in Nomination Commission, Commission le Committee sernak nawl a ngei lai.
(j) General meeting agenda a suai lai i a ceih chung lai.
(k) Phaisa tawlrelnak phungphai ning in rian a ṭuan lai.
(l) CMC i member a simi Bible siangngakchia pohpoh cu kan saya, sayama an si lai i pastor a ṭuan ciami cu EC meeting ah ruahnak petu an si lai.

20. Officer Council (OC)
Officer Council i a nawlngeihnak le a ṭuanvo cu a tanglei bantuk in a si lai.
(a) CMC phungphai nih a huapmi zokhenhnak cu EC meeting ah chuahpi lo in ṭuannak nawl a ngei lai.
(b) EC ah ceihkhan ding agenda a suai lai i a ceih chung lai.
(c) EC nih a herh ning in ṭuanvo a pekmi a ṭuan lai.
(d) CMC rian lakhruak in ṭuanawk a chuah tik ah a ṭuan chungtu a si lai i a naih bik EC meeting ah hnatlaknak a lak lai.
(e) A herh ning in EC meeting a auh lai.
(f) EC nih ri khiah ning in phaisa hmannak nawl a ngei lai.

21. Khrihfa upa
Khrihfa upa i a nawlngeihnak le a ṭuanvo cu a tanglei bantuk in a si lai.
(a) Chungtel thar sawmnak le a tlurilmi hruainak rian a ṭuan lai.
(b) Pathian biak pumh caan ah midongtu, ṭhutnak zohpiaktu, thawhlawm khawltu le Bawipa zanriah phawtu a si lai.
(c) Pastor a ṭhutdirnak kong tuaktantu le ruahnak cheutu a si lai.
(d) CMC chung rianṭuannak ah Pastor bawmtu a si lai.

22. Fellowship
Fellowship i a nawlngeihnak le a ṭuanvo cu a tanglei bantuk in a si lai.
(a) Amahte in i hruainak Phungphai a ngei lai.
(b) Kum khat chung rianṭuan ding le budget a suai lai i EC ah a chuahpi lai.
(c) Kum khat chung rianṭuannak report EC ah a chuahpi lai.
(d) Amahte in phaisa aa tawlrel lai.
(e) Bu dang he pehtlaihnak le leng chuah an duh tik ah EC hnatlaknak a lak hmasa lai.
(f) Phaisa tumtlang in rian pipa (Project) ṭuan a duh tik ah EC hnatlaknak a lak lai.

23. Committee
Committee i a nawlngeihnak le a ṭuanvo cu a tanglei bantuk in a si lai.
(a) CMC Phungphai ning in ṭuanvo a ngei lai.
(b) Kum khat chung rianṭuan ding le budget a suai lai i EC ah a chuahpi lai.
(c) Kum khat chung rianṭuannak report cu EC ah a chuahpi lai.
(d) Phaisa tumtlang in rian pipa (Project) ṭuan a duh tik ah EC hnatlaknak a lak lai.

24. Auditors
Auditors ṭuanvo cu a tanglei bantuk in a si lai.
(a) CMC nih a ngeihmi phaisa le thilri cazin cu thla 6 ah voi khat lengmang an check lai i General ah an chuahpi lai.
(b) Lakhruak in cazin check a herh ah cun EC hnatlaknak in an check lai.

DAL VIII (KHUAKHAN LAIRELNAK)

25. CMC i hruainak le a rianṭuannak cu nawlngeihnak a hmangmi uknak phung si lo in dawtnak in i hruainak tu a si lai i mi tam deuh duhnak (Democracy) phung in thimnak le biakhiahnak tuah a si lai.

26. Rikhiahnak (Quorum) kong cu a tanglei bantuk in a si lai.
(a) Khuakhan lairelnak ah a tel dingmi hnarcheu uak an chuah lawng ah meeting tuah khawh (quorum tling) a si lai.
(b) Quorum a tlin lo ahcun voi dang ah auh ṭhan i a chuakmi zat in khuakhan lairelnak tuah a si lai.
(c) Khuakhannak (meeting) ah a kaimi hnarcheu uak hnatlaknak in biakhiah a si lai.
(d) Biakhiahnak cu kutthlir asiloah vothli (secret ballot) in a si lai.

27. Meeting tuahnak cu a tanglei bantuk in a si lai.
(a) General meeting cu kum khat ah voi hnih tuah a si lai.
(b) Executive Committee cu thla khat ah voi khat tuah a si lai.
(c) Officer Council cu thla khat voi khat in tuah a si lai.
(d) Fellowship cu thla khat voi khat in tuah a si lai.
(e) Committee cu thla khat voi khat in tuah a si lai.

28. Lakhruak meeting cu a herh ning in ṭuanvo ngeitu nih an auh lai i tuah a si lai.

DAL IX (ṬUANCAAN KHIAHNAK)

29. A dotdot hruaitu hna an ṭuan caan cu a tanglei bantuk in a si lai.
(a) CMC kum rel cu Chinese New Year ning in a si lai.
(b) CMC Officer Council, Khrihfa upa, Fellowship le Committee i hruaitu hna an ṭuan caan khat (one term) cu kum khat a si lai.
(c) Minung pakhat nih hmunhma pakhat ah term hnih lawng peh in ṭuan khawh a si.
(d) Khrihfa upa cu ṭuan caan khiah (term) um lo in duh rih ah cun thim khawh lengmang an si lai.
(e) Pastor i a ṭuan caan cu kum khat a si lai i, term hnih (kum hnih) lawng ṭuan khawh a si lai.
(f) Chin House President ṭuan caan cu term khat (kum khat) lawng a si lai.

DAL X (THIMNAK)

30. Thimnak cu a tanglei bantuk in a si lai.
(a) Thimnak cu kum dongh General meeting ah tuah a si lai.
(b) Thimnak cu mi tam deuh duhnak (Democracy) phung ning in a si lai.
(c) Thimnak cu Nomination Commission hruainak in thim a si lai.
(d) Biakhiahnak cu kut thlir asiloah vothli (Sacret ballot) in a si lai.
(e) Vote pekmi an i tluk ahcun Nomination Commission Chairman nih biakhiahnak (casting) vote a pek lai.
(f) Thimnak ah aa tel kho mi cu CMC chungtel tling a si lai.
(g) Lakhruak thim a herh ahcun EC nih nawl a ngeih lai.

DAL XI (PHUNGHRAM LE PHUNGPHAI REMHNAK)

31. Phunghram le Phungphai kong ah nawlngeihnak sang bik a ngeitu cu General a si lai.

32. Phunghram cu General meeting a kaimi 75% (3/4) leng hnatlaknak lawnglawng in fehter, remh, chap le hrawh khawh a si lai.

33. Phungphai cu General meeting a kaimi cheu thum cheu hnih (2/3) leng hnatlaknak lawnglawng in fehter, remh, chap le hrawh khawh a si lai.

CHIN MISSION KHRIHFABU PHUNGPHAI

(BY-LAW)
DAL I (PASTOR LAKNAK)

1. Pastor laknak cu a tanglei bantuk in a si lai.
(a) CMC ah chungtel tling a si lai.
(b) Korea ah Bible ca a cawng liomi a si lai.
(c) Lai holh in phung a chim kho mi a si lai.
(d) Pastor rian a ṭuan cia mi a si lai.
(e) Pastor cu General meeting ah laak a si lai.
(f) Pastor laknak cu kum khat ah voi khat ceih a si lai.

DAL II (PULPIT COMMITTEE)

2. Pulpit Committee cu a tanglei bantuk in a si lai.
(a) Chairman Pastor
(b) Chungtel President, Secretary, Treasurer

3. Pulpit Committee i a nawlngeihnak le ṭuanvo cu a tanglei bantuk in a si lai.
(a) CMC min in tuahmi Pathian biakpumh caanhmannak a tlamtlin khawh naklai ṭuanvo a lak lai.
(b) CMC min in tuahmi Pathian biakpumh caanhmangtu ding a tuaktan lai.
(c) CMC min in tuahmi Pathian biakpumh caanhmangtu ding thawngthanhnak a tuah lai.

DAL III (HRUAITU HNA ṬUANVO)

4. Pastor
Pastor a ṭuanvo cu a tanglei bantuk in a si lai.
(a) CMC Pastor cu thlarau tirawl a kan petu a si lai.
(b) Zawtfah tik ah a kan vehvat thlacampiaktu a si lai.
(c) I ṭhithruainak ah ruahnak petu a si lai.
(d) Pulpit a tlaitu a si lai.
(e) Executive Committee le Officer Council ah vote ngei lo in chungtel a si zungzal lai.

4. President
President  a ṭuanvo cu a tanglei bantuk in a si lai.
(a) CMC i hruainak le ṭhanchonak ah ṭuanvo ngeitu bik a si lai.
(b) CMC i hruainak ah policy tlaitu bik a si lai.
(c) President cu committee (OC/EC) meeting an tuah tik ah agenda a rak suai chungtu a si lai.
(d) Meeting an tuah hlan ah Pastor le Secretary he agenda an i ceih hmasa lai.
(e) Meeting i an rak ceihmi vialte kha ṭha tein a chekhlat lai.
(f) Ṭuan cang mi, ṭuan lai mi vialte kha ṭhate in a zoh lai.
(g) General, EC le OC meeting ah chairman a ṭuan lai.
(h) Meeting chairman a ṭuan tik ah vote an i tluk ahcun biakhiahnak (casting) vote petu a si lai.
(i) Pulpit tlaihnak ah pastor bawmtu a si lai.
(j) CMC phaisa lutchuak vialte a theihpi dih hna lai i min thutu (Controlling Officer) a si lai.
(k) CMC ngeihmi thil biapi le catlap pawl kengtu a si lai.

5. Vice President
Vice President a ṭuanvo cu a tanglei bantuk in a si lai.
(a) President rian kha a herh ning in a bawmtu a si lai.
(b) President a um lo kar ah President rian ṭuanvo latu a si lai.

6. Secretary
Secretary a ṭuanvo cu a tanglei bantuk in a si lai.
(a) Secretary cu meeting an tuah tik poh ah record/roca ṭialtu a si lai.
(b) President theihhngalhnak in General, EC le Officer Council meeting sawmtu a si lai.
(c) President nih a herh a timi ca a ṭialtu a si lai.
(d) Pulpit tlaihnak ah pastor bawmtu a si lai.
(e) Biakhiahmi ṭuanchuahnak ah hruaitu a si lai.
(f) Phaisa hmuhnak le hmannak ah Drawing Officer a si lai.

7. Assistant Secretary
Assistant Secretary a ṭuanvo cu a tanglei bantuk in a si lai.
(a) Secretary rian kha a herh ning in a bawmtu a si lai.
(b) Secretary a um lo tik ah Secretary rian ṭuanvo latu a si lai.

8. Treasurer
Treasurer a ṭuanvo cu a tanglei bantuk in a si lai.
(a) CMC phaisa vialte a kengtu a si lai.
(b) CMC phaisa lutchuak vialte cazin a tlai dih tu a si lai.
(c) CMC ngeihmi bank card le cauk vialte kengtu a si lai.
(d) Cazin ṭhate in a fimhlawm lai i Auditor nih cazin a zoh dih in mizapi sin ah cazin cu a langhter lai.
(e) CMC chungtel dihlak nih kum tin thawh tawnmi ralvennak cu February in April thla dih tiang ah a thawh lomi an um ah cun a hal hna lai i a tho lomi cazin cu May thla EC meeting ah a chuahpi lai.
(f) Pulpit tlaihnak ah pastor bawmtu a si lai.
(g) Controlling Officer le Drawing Officer hnatlaknak in phaisa hmuhnak le hmannak tawlreltu a si lai.

9. Assistant Treasurer
Assistant Treasurer a ṭuanvo cu a tanglei bantuk in a si lai.
(a) Treasurer rian kha a herh ning in a bawmtu a si lai.
(b) Treasurer a um lo tik ah Treasurer rian ṭuanvo latu a si lai.

10. Auditor
Auditor a ṭuanvo cu a tanglei bantuk in a si lai.
(a) CMC chung i a ummi phaisa vialte cazin in Bank/Case a zoh dih tu a si lai.
(b) Cazin a dik hnu lawnglawng ah mizapi sin chuahpi khawhnak nawl a pek hna lai.

11. Assistant Auditor
Assistant Auditor a ṭuanvo cu a tanglei bantuk in a si lai.
(a) Auditor rian kha a herh ning in a bawmtu a si lai.
(b) Auditor a um lo tik ah Auditor rian ṭuanvo latu a si lai.

DAL IV (FELLOWSHIP)

13. Women Fellowship
Women Fellowship ṭuanvo cu a tanglei bantuk in a si lai.
(a) CMC chung i nutung vialte hmun khat ah Pathian bia in thazaang laknak le i hawikomhnak an ngei lai.
(b) Rianṭuan ding an i timhmi pohpoh EC sin ah hnatlaknak a hal hmasa zungzal lai.
(a) Fellowship chung ah chungtel sinak thawhvo thawh in mah le mah zokhenhnak a tuah lai lo.
(b) EC theih lo in ram dang le bu dang he pehtlaihnak ngei in rian a ṭuan lai lo.
(c) CMC hruainak he kalh in rian a ṭuan lai lo.

14. Youth Fellowship
Youth Fellowship ṭuanvo cu a tanglei bantuk in a si lai.
(a) CMC chung i mino vialte hmun khat ah Pathian bia in thazaang laknak le i hawikomhnak an ngei lai.
(b) Rianṭuan ding an i timhmi pohpoh EC sin ah hnatlaknak a hal hmasa zungzal lai.
(c) Fellowship chung ah chungtel sinak thawhvo thawh in mah le mah zokhenhnak a tuah lai lo.
(d) EC theih lo in ram dang le bu dang he pehtlaihnak ngei in rian a ṭuan lai lo.
(e) CMC hruainak he kalh in rian a ṭuan lai lo.

15. Fellowship President
Fellowship President ṭuanvo cu a tanglei bantuk in a si lai.
(a) Mahle committee lak ah ṭuanvo ngan bik a ngeitu a si lai.
(b) Fellowship le EC pehtlaitu a si lai.
(c) Committee nih ceihmi vialte EC sin ah a chuahpitu le fiang lak in a chimtu a si lai i, Executive Committee sin ah ṭuannak nawl a haltu a si lai.
(d) Fellowship nih rian a fial ning in rian a ṭuan lai.
(e) An meeting poh ah chairperson a ṭuan lai.
(f) Meeting chairperson a ṭuan tik ah vote an i tluk ahcun biakhiahnak (casting) vote petu a si lai.
(g) EC ah chungtel a si lai.

16. Fellowship Secretary
Fellowship Secretary ṭuanvo cu a tanglei bantuk in a si lai.
(a) Fellowship President nih nawl a pek ning in rian a ṭuan lai.
(b) Fellowship meeting tuah tik ah roca ṭialtu a si lai.
(c) Fellowship ngeihmi meeting roca le a dangdang a kengtu a si lai.
(d) Meeting biachahmi ṭuannak ah hruaitu a si lai.
(e) Fellowship President bawmtu a si lai.
(f) EC ah chungtel a si lai.

DAL V (COMMITTEE)

17. Mission Committee
Mission Committee ṭuanvo cu a tanglei bantuk in a si lai.
(a) CMC ramthar rianṭuannak ah ṭhihruaitu a si lai.
(b) CMC ramthar rianṭuannak a ṭhanchotertu a si lai.
(c) Ramthar rianṭuannak le CMC pehtlaitu a si lai.
(d) Ramthar rianṭuannak i a herhmi phaisa kong khuakhangtu a si lai.
(e) EC sin ah a rian ṭuan ding timhmi poh a chuahpi lai i hnatlaknak a lak lai.

18. Christian Education Committee
Christian Education Committee ṭuanvo cu a tanglei bantuk in a si lai.
(a) CMC CE rianṭuannak ah ṭhihruaitu a si lai.
(b) CMC kan fale pawl ca ah a herhmi cawnpiaknak kong an tuaktan lai.
(c) Christian Education rian ṭuannak le CMC pehtlaitu a si lai.
(d) Christian Education rianṭuannak i a herhmi phaisa kong khuakhangtu a si lai.
(e) EC sin ah a rian ṭuan ding timhmi poh a chuahpi lai i hnatlaknak a lak lai.

19. Chin House Committee
Chin House Committee ṭuanvo cu a tanglei bantuk in a si lai.
(a) Chin House rianṭuannak kong ah ṭuanvo latu a si lai.
(b) Chin House phung ning in ṭhihruaitu a si lai.
(c) Chin House rianṭuannak le CMC pehtlaitu a si lai.
(d) Chin House rianṭuannak i a herhmi phaisa kong khuakhangtu a si lai.
(e) EC sin ah an rian ṭuan ding timhmi poh an chuahpi lai i hnatlaknak a lak lai.
(f) CMC chungtel dihhlak siaremte le nuamte in kan ṭhutto khawh nakhnga ṭuanvo latu a si lai.

20. Committee President
Committee cio hna President i an rian cu a tanglei bantuk in a si lai.
(a) Committee ah ṭuanvo ngan bik a ngeitu a si lai.
(b) Committee le EC pehtlaitu a si lai.
(c) Committee nih ceihmi vialte EC sin ah a chuahpitu le fiang lak in a chimtu a si lai i, Executive Committee sin ah ṭuannak nawl a haltu a si lai.
(d) Meeting an tuah tik ah chairman a ṭuan lai.
(e) Meeting chairman a ṭuan tik ah vote an i tluk ahcun casting vote petu a si lai.
(f) Committee phaisa le cazin kennak ah ṭuanvo latu a si lai.
(g) Committee nih a pek ning in rian a ṭuan lai.
(h) Bupi EC ah chungtel a si lai.

DAL VI (THIMNAK)

21. Nomination Commission
Nomination Commission cu a tanglei bantuk in a si lai.
(a) Bupi thimnak hruaitu ah EC nih Nomination Commission cu minung 3-5 in kum khat ca ah a ser lai.
(b) Nomination Commission Chairman le Secretary cu anmah chung in an i thim lai.
(a) CMC Nomination Commission cu Khrihfa upa, Officer Council, Fellowship President le Secretary, Committee President le a bawmtu, le Auditor le a bawmtu thimnak ah hruaitu a si lai.

22. Pastor
Pastor thimnak cu EC nih ṭuanvo a lak lai.

23. Khrihfa upa
Khrihfa upa thimnak cu a tanglei bantuk in a si lai.
(a) Khrihfa upa cu CMC chungtel 10 ah pakhat in thim a si lai.
(b) CMC Khrihfa upa cu a tlawm bik minung 12 an si lai.
(c) Khrihfa upa ah thim ding mi cu CMC ah a tlawm bik thla 6 tal chungtel a si lai.
(d) Chungtel 6 in a cunglei cu 10 khan in Khrihfa upa pakhat thimpiak a si lai i 5 in a tanglei cu Khrihfa upa thimpiak a si lai lo.
(e) Khrihfa upa chung ah a tlawm bik nu pakhat aa tel lai.

24. Officer Council
Officer Council cu Khrihfa upa chung in thim an si lai.

25. Fellowship President, Secretary, Committee President, Auditor le a bawmtu
Fellowship President, Secretary, Committee President, Auditor le a bawmtu cu Khrihfa upa chung zong in thim khawh an si lai i midang zong thim khawh an si lai.

26. Nomination Commission nih a hlankan in nominate a tuah hna lai.

27. Nomination Commission nih a thimmi hna leng ah ṭhutnak/hmunhma pakhat ah a tlawm bik minung 2 in mizapi lei nih biatung dirh khawh a si lai.

DAL VII (PHAISA TAWLRELNAK)

28. Phaisa hmuhnak (Income) cu a tanglei bantuk in a si lai.
(a) Cheuhra cheukhat
(b) Zarhpi ni thawhlawm
(c) Zarhte zan thawhlawm
(d) Bawipa zanriah thawhlawm
(e) Lunglawmh hlu
(f) Ralvennak
(g) Chungtel sinak thawhvo (Membership fee)
(h) Zohkhenhnak ca thawhvo
(i) Lairam cuanhnak ca thawh
(j) A dangdang

29. Phaisa hmannak (Expenditure) cu a tanglei bantuk in a si lai.
(a) Hmantawn (Regular expenditure)
Hmantawnmi phaisa cu caanhman rianṭuannak ca ah hmanmi a si.
(b) Phaisa Tumtlang (Capital)
Phaisa Tumtlang cu rian pipa ṭuannak ca ah hmanmi a si.
(c) Ralvennak Phaisa
Ralvennak phaisa cu CMC chungtel poh nih kum tin thawhmi a si i a dangte in ken a si.

30. Hmantawn (Regular Expenditure) cu a tanglei bantuk in si lai.
(a) Thlahlawh (Pastor le CE sayamah)
(b) Tlunkalnak (TA)
(c) Pehtlaihnak (CACC le Korean Association of Independent Churches And Missions)
(d) Thilri zalh
(e) Stationary/Bulletin
(f) Danghnak (Refreshment)
(g) Bawipa Zanriah zalhnak
(h) Mihar bawmh (Bawipa Zanriah hlu)
(i) Zohkhenhnak (Bulh/Bawmh/Tlawmh/Lawmhpi)
(j) Fellowship pek
i. Woman Fellowship
ii. Youth Fellowship
(k) Committee pek
i. Mission Committee
ii. Christian Education Committee
iii. Chin House Committee
(l) Training/Crusade/Campaign
(m) Lairam le Lai miphun cuanhnak (Bu leng bawmh)
(n) Laksawng
(o) Ralvennak
(p) Ni suglawi
(q) A dangdang

31. Phaisa Tumtlang (Capital) timi cu a tanglei bantuk in a si lai.
(a) Biakinn/Inn zalh
(b) CACC-CMC Scholarship
(c) Bank Statement Fund

32. Ralvennak phaisa cu General nih a khiah ning in CMC chungtel poh nih kum tin thawhmi a si i a dangte in ken a si.

33. Phaisa hmuhnak le hmannak he pehtlai in tawlreltu a dotdot cu a tanglei hna hi an si lai.
(a) General
(b) Executive Committee
(c) Officer Council
(d) Finance Committee
(e) Controlling Officer
(f) Drawing Officer
(g) Treasurer

34. Phaisa hmuhnak le hmannak he pehtlai in General nawlngeihnak le ṭuanvo cu a tanglei bantuk in a si lai.
(a) Phaisa hmuhnak le hmannak ah nawlngeitu bik a si lai.
(b) Kum sau/tawi project phaisa hmuhnak hmannak ah nawl ngeitu bik a si lai
(c) Phaisa tumtlang hmuhnak le hmannak a tuaktan lai.
(d) Kum khat ca phaisa hmuhnak le hmannak kong ah nawlngeitu bik a si lai.
(e) Phaisa liampalnak le cazin hrawhnak (write off) nawl a ngei lai.
(f) Finance Committee, Controlling Officer, Drawing Officer, Treasurer le a dang a herh ning in rian peknak nawl a ngei lai.
(g) CMC rianṭuantu hna thlahlawh a tuaktanpiak hna lai.

35. Phaisa hmuhnak le hmannak he pehtlai in Executive Committee nawlngeihnak le ṭuanvo cu a tanglei bantuk in a si lai.
(a) General nih a ceih/chah ding mi phaisa cazin a rak tuaktan chung lai.
(b) Phaisa in Won 100,000, thilri in Won 200,000 man a tanglei liampalnak le cazin in hrawhnak (Write off) nawl a ngei lai.
(c) Rianṭuannak phun khat ah phaisa Won 1,000,000 in a tanglei hmannak nawl a ngei lai.

36. Phaisa hmuhnak le hmannak he pehtlai in Officer Council nih poipang herhhai a um sual ah cun voi khat hman ah a tam bik Won 300,000 hmannak nawl a ngei lai.

37. Finance Committee cu a tanglei bantuk in a si lai.
(a) Finance Committee cu a tanglei bantuk in ser a si lai.
(i) Chairman Treasurer
(ii) Members Pastor, President, Secretary, Auditor
(b) Phaisa hmuhnak le hmannak he pehtlai in Finance Committee nawlngeihnak le ṭuanvo cu a tanglei bantuk in a si lai.
(i) Kum khat ca phaisa hmuhnak le hmannak budget a suai chung lai.
(ii) Budget suai cia mi phaisa hmuhnak le hmannak a tuktonh lai.
(iii) Budget a suaimi cu EC hnatlaknak in General meeting ah a chuahpi lai.

38. Controlling Officer nawlngeihnak le ṭuanvo cu a tanglei bantuk in a si lai.
(a) General nih a ceih cia mi phaisa hmuh ding tlingte in hmuhkhawhnak le hmannak phaisa semrelte le phungphai ning in hmannak a tawlrel lai.
(b) Budget head ning in phaisa hmannak le a hleihluat in hman lo ding in a tlangtlak lai.
(c) Chuah/hman ding poh ah nawl petu (Paid Order) a si lai.
(d) Drawing Officer nih a chuahpi mi hmuhnak le hmannak cazin a zoh lai i hnatlaknak min a thut lai.

39. Drawing Officer nawlngeihnak le ṭuanvo cu a tanglei bantuk in a si lai.
(a) Controlling Officer nawl pek ning in rian a ṭuan lai.
(b) Budget head ning in phaisa hmannak le a hleihluat in hman lo ding in a tawlrel lai.
(c) Phaisa hmannak vialte Controlling Officer sin ah a chuahpi lai i Paid Order ning in a tawlrel lai.
(d) Hmuhnak le hmannak he aa pehtlaimi voucher, ledger, register vialte ah a dik le dik lo a check lai i min a thut lai.

40. Treasurer nawlngeihnak le ṭuanvo cu a tanglei bantuk in a si lai.
(a) Phaisa fang in a luh a chuahnak a tawlreltu bik a si lai.
(b) A kut chung ah phaisa fang, cheque, bank draff in hmuhmi pohpoh le a kut chung in hmanmi vialte cu phaisa cazin cauk (Treasurer note) ah tlingte in a ṭial lai.
(c) Phaisa a lut a chuakmi vialte cu voucher ning in aa changte in a khumh lai.
(d) Phaisa a lut a chuak a ummi poh cazin in a phih lai.
(e) Phaisa a lutmi poh bank ah a chiah lai.
(f) Phaisa cazin he aa pehtlaimi pohpoh ah ṭuanvo ngeitu bik a si lai.
(g) A tanglei cauk/cazin hna hi tlingte in a khumh lai.
(1) Cash book
(2) General Ledger
(3) Budget Control Ledger
(4) Voucher File
(5) Paid Order file
(h) Pass-Book cu safe-box ah ṭhate in a chiah lai.

41. CMC rianṭuantu hna thlahlawh cu chan le caan he a tlak in EC nih a tuaktan lai i General hnatlaknak in fehter a si lai.

42. CMC rianṭuantu pakhatkhat nih khonh a hal ah cun kum khat ah thla khat cu thlahlawh pek in khonh pek a si lai.

43. Bank rianṭuannak cu a tanglei bantuk in a si lai.
(a) CMC nih a ngeihmi phaisa vialte cu Bank ah CMC min in chiah a si lai.
(b) Bank cauk le seal cu tuaktannak phun hoih in a dangte in tuah an si lai.
(i) Hmantawn (Reqular Expenditure)
(ii) Phaisa tumtlang (Capital)
(iii) Ralvennak phaisa
(iv) Fellowship pawl
(v) Committee pawl

44. Bank ah phaisa chiah le chuah a herh tik ah Controlling Officer, Drawing Officer le Treasurer minthut in tuah a si lai.

45. Fellowship le Committee pawl ngeihmi phaisa bank ah chiah le chuah a herh tik ah anmah le hruaitu le seal in tuah a si lai.

DAL VIII (ZOHKHENHNAK PHUNG)

46. Hi Zohkhenhnak phung nih a huap khawhmi hna cu CMC chungtel a si lai.

47. CMC chungtel a si ko nain CMC pumhnak le cawlcanghnak (activitiy) ah i tel khawh a si ko bu in thla 6 chung ah voi khat tal aa tel lo mi cu CMC zohkhenhnak a tingco lai lo.

48. Thihloh
CMC chungtel chung in thihloh ton tik ah a tanglei bantuk in i zohkhenh a si lai.
(a) CMC chungtel chung in a thilomi kan um sual ahcun CMC nih ralvennak phaisa chung in a herh ning in ṭuanvo a lak lai.
(b) CMC chungtel chung in hringtu a nu, a pa, a chuahpi taktak a unau, a nupi/va, fanu/pa a thih ah cun chungtel pakhat cio nih a tlawm bik Won 10,000 cio in bulh a si lai.
(c) CMC chungtel chung in hringtu a nu, a pa, a chuahpi taktak a unau, a nupi/va, fanu/pa a thih ah cun CMC min in Won 50,000 bulh chih a si lai.

49. Tlaihkhih
CMC chungtel chung in tlaihkhih a ton i Kawl ram ah kuat a si ah cun pumpak cio nih a tlawm bik Won 10,000 cio bawmh a si lai i, bupi phaisa zong in Won 50,000 bawmh a si lai.

50. Zawtfah Khawnden
CMC chungtel chung in zawtfah khawnden ton sual ah cun a tanglei bantuk in i zohkhenh a si lai.
(a) CMC chungtel chung in a tanglei a tongmi hna cu CMC chungtel minung pakhat nih a tlawm bik Won 10,000 in i bawmh a si lai.
(i) Rianṭuannak ah khawnden a tong i siizung ah aa thlawpbulmi
(ii) Zawtfah ṭhalo ruang ah siizung ah a tlawm bik ni 15 ih in a cawng mi
(iii) Major Operation aa tuahmi
(b) CMC chungtel chung in zawtfah khawnden ton sual ah cun CMC phaisa chung in Won 50,000 bawmh chih a si lai.
(c) A zawfakmi i a dihmi phaisa a tam tuk sual ahcun EC nih ceihkhanpiak a si lai.

51. Kutput Thlacampiaknak
CMC chungtel chung in a tanglei a tongmi hna cu ṭuanvo ngeitu OC/Pastor nih Won 50,000 put in thlacamnak ngeihpiak a si lai.
(a) 119 auh in siizung a phanmi
(b) Zawtfah ruang ah siizung ah a tlawm bik zaan khat riak in aa cawngmi
(c) Nau a ngeimi

52. Tlun
CMC chungtel chung in pakhatkhat a tlungmi a um tik ah a tanglei bantuk in i zohkhenh a si lai.
(a) CMC chungtel chung ah zawtfahnak tong in siibawi nih a sung a pek i tlun a haumi kan um sual ahcun chungtel pakhat cio nih won 20,000 in bawmh a si lai.
(b) CMC chungtel chung in a tlungmi kan um tik poh ah Won 50,000 in thlahnak tuahpiak a si lai.

53. Ṭhitumnak
CMC chungtel pakhatkhat nih Korea ram chung ah ṭhitumnak a/an tuah ahcun a tanglei bantuk in lawmhpinak tuah a si lai.
(a) CMC nih Won 100,000 in tlawmh a si lai
(b) Chungtel pakhatkhat nih ramdang ah ṭhitumnak a va tuah ahcun Korea ram i ṭhitumnak a tuahmi he aa khat in CMC nih tlawmh a si lai.

54. Degree Lawmhpinak
CMC chungtel chung in Korea cozah nih theihhngalhpimi sianginn pakhatkhat in degree a lami kan um ah cun Won 150,000 in lawmhpinak tuah a si lai.

DAL IX (CMC-CACC SCHOLARSHIP)

55. Chin Mission Church le Chin Association for Christian Communication, Hakha i bawm in siangngakchia bawmhnak kan tuahmi a min cu CMC– CACC Scholarship ti a si lai.

56. Hi CMC – CACC Scholarship a ngeitu cu Chin Mission Church a si lai.

57. CMC– CACC Scholarship nih aa tinhmi cu Chin miphun chung in fimthiamnak cawnnak lei ah bochantlak minung chuahnak lam kawl ding a si lai.

58. Phaisa tawlrelnak cu a tanglei bantuk in a si lai.
(a) CMC kan thazaang zohchun in scholarship fund chap ding kong cu CMC General nih kum khat voi khat a ceih lai.
(b) Bawmh ding mi hna minung zat le phaisa zat cu CACC nih a tawlrel lai.
(c) Phaisa cu CMC – CACC Scholarship committee nih bank ah Chairman, Secretary le Treasurer min in a chiah lai.
(d) Phaisa cu CACC nih sermi CMC – CACC Scholarship committee hnatlaknak in hman a si lai.
(e) Phaisa cu bank phaisa karh chung in hman a si lai.

59. Bawmhnak ah papek ding mi cu a tanglei bantuk in an si lai.
(a) Lairam khualipi Hakha ah sianginn a kaimi cu papek a si lai.
(b) Thlanglei Lairam in Hakha ah sianginn a kaimi cu papek a si lai.
(c) Ngakṭah a simi cu papek a si lai.
(d) Cathiammi cu papek a si lai.
(e) CMC – CACC Scholarship committee nih bawmh awk in an thimmi cu CMC EC nih theihpi in fehter a si lai.

60. Bawmhnak pek ding mi cu a tanglei bantuk in a si lai.
(a) Chin mi a si lai.
(b) Tanghra awng, sianghleiruun kaimi a si lai (Theology/Secular).
(c) A sokmi a si lai.
(d) Khrihfa ṭha a si lai.
(e) Rithainak a tawng lo mi a si lai.

61. Bawmhnak pek ti lo ding cu a tanglei bantuk in a si lai.
(a) A sok ṭhan ti lo mi
(b) A catang a sung mi
(c) Sianginn phunglam he a kalh in phung a buarmi
(d) CMC – CACC Scholarship committee nih bawmh a herh ti lo tiah a ruah mi
(e) CMC – CACC Scholarship committee nih a sermi zulhphung a buar mi

62. CMC– CACC Scholarship kong ah CMC lei hruaitu cu CMC Pastor le OC upa an si lai.

DAL X (PHAISA HLANHNAK - Bank Statement)

63. Bank Statement phung cu a tanglei bantuk in a si lai.
(a) Bank Statement a hmang kho ding mi cu CMC chungtel a si lai.
(b) CMC chungtel a si ko nain CMC pumhnak le cawlcanghnak (activitiy) ah i tel khawh a si ko bu in thla 6 chung ah voi khat tal aa tel lo mi cu CMC bank statement a hmang kho lai lo.
(c) Bank Statement hman a duhmi nih soknak form a phit lai.
(d) Nu le pa, nupi le va le fale i auhnak ah hman khawh a si lai.
(e) Vanchiat ton tik i hman a herh ahcun EC nih ceih a si lai.
(f) OC theihhngalhpinak in hman a si lai.
(g) Voi khat ah Won 15,000,000 (sing za le sawmnga) tiang lawng hman khawh a si lai.
(h) Phaisa luhchuahnak ah a dihmi cu a hmangtu nih liam a si lai.
(i) A hmangtu bank card ah CMC phaisa a um chung poh cu CMC sin ah a bank card a chiah lai.
(j) Hman caan cu zarh khat a si lai.

Appendix

1. Chin House Phung

Chin House Phungphai

Chin House hmannak phungphai le zulhphung cu a tanglei bantuk in a si lai.

1. Chin House ah ṭhut-um a duhmi nih Chin House President sin ah thawngthanh a si lai.
2. Chin House ah caan sau a um kho ding mi cu CMC chungtel tling a si lai.
3. CMC chungtel a si lomi cu Korea um dingmi ca ah thla khat um khawh a si lai i a ra tlawng tami cu thla thum um khawh a si lai.
4. Chin House in sianginn a kaimi nih thla thum chung cu, thla khat ah Won 50,000 pek in umnak nawl pek siseh. Thla thum a um hnu ah umnak nawl a hal ṭhan ahcun EC upa nih ceihmai le khuakhan ṭhan a si lai.
5. Chin House ah um in rian a ṭuanmi nih thla khatnak cu Chin House thawhkel in tho seh law cu hnu cun Won 70,000 thawh in thla thum chung umnak nawl pek a si lai. Thla thum a um hnu ah um ṭhan a duh ahcun EC nih a ceih lai.
6. CMC chungtel chung in a zawfak i caan sau aa tlopbulmi a um ahcun a dam lo chung cu Chin House thawhvo olh in umter a si lai.
7. Chin House President cu a ṭuan chung cu Chin House thawhvo olh a si lai.

Chin House Zulhphung

1. Chin House ah zu, kuak, khaini, kunpawng, raja le kunza tawngtham lo ding.
2. Chin House ah bia-alnak le sikvelhnak umter lo ding.
3. Zan suimilam 12:00 hnu ah mei van ti lo ding.
4. Zanṭim suimilam 1:00 hnu cu Chin House ah luh lo ding.
5. Chin House ah pumpak ca ah meh le a dangdang chuan lo ding.
6. Group ṭuanvo pekmi nih a herh ning in chuankhin le tirawl pek i a dongh tiang tawlrel ding.
7. Chin House thawhvo a tho lo mi cu Chin House Committee, EC le General nih a kong ceih ding.
8. Ni sawhsawh ah Chin House i tlun le um a duhherhmi nih Chin House President asilole CMC President asilole Secretary asilole Pastor thawng thanh a si lai.
9. Chin House thilri hlan duh ahcun President sin ah hlan ding.
10. Tikawlhnak, Zunput le a dangdang kan hman tik ah ṭhate in thianhhlimh ding.
11. Mah thilri kha mahte in i fim ding.
12. Chin House ah a hnu bik a tangmi nih electric, fan, ti le heater kha ṭhate in phih ta ding.

2. CMC Special Sunday

CMC Special Sunday
Special Sunday Nithla
Kumthar January 1
WF Caan hman January zarh 3nak
CMC Birthday February zarh 1nak
General Meeting Chinese New Year
Chin National Day February zarh 2nak
Mission Sunday March ni 15 he a naih bik zarh
WF Caan hman March zarh 3nak
Palm Sunday
Thawhṭhan
(Easter Sunday)
March or April
Pentecost Ni
YF Caan hman April zarh 3nak
Children Day May zarh 1nak
Mother’s Day May (WF Caan hman)
Father’s Day June zarh 3nak
General Meeting July zarh 4nak
Bible Sunday August zarh 3nak
WF Caan hman September zarh 2nak
Chuseok Holiday September/October
Chin Kum Thar (Tho) October zarh 3nak
CH Committee Caan hman November zarh 2nak
WF Birth Day November zarh 3nak
MCC Christmas December zarh 2nak
Christmas December 25

FELLOWSHIP PHUNNGPHAI

WOMAN FELLOWSHIP PHUNNGPHAI

DAL I (HRUAITU HNA)

1. Woman Fellowship i chungtel cu Nubu Hawikomhnak Bu ah aa telmi dihlak an si lai.

2. Woman Fellowship i Officer cu a tanglei bantuk in an si lai.
(a) President
(b) Vice-President
(c) Secretary
(d) Assistant Secretary
(e) Treasurer

DAL II (NAWLNGEIHNAK LE ṬUANVO)

3. Woman Fellowship i nawlngeihnak le ṭuanvo cu a tanglei bantuk in a si lai.
(a) Woman Fellowship rianṭuannak ah nawlngeihnak sang bik a ngeitu a si lai.
(b) CMC chung i nu upa vialte hmun khat ah Pathian bia in thazaang laknak le i hawikomhnak an ngei lai.
(c) Anmah zawn in CMC dirkamhnak le ṭhanchoternak rian an ṭuan lai.
(d) Thla khat ah Zarhte ni voi hnih lengmang in Nubu thlacam pumhnak an ngei lai.
(e) Thla ruk ah voi khat lengmang meeting an tuah lai.
(f) Rianṭuan ding an i timhmi pohpoh EC sin ah hnatlaknak a hal hmasa zungzal lai.
(g) Anmah chung ah chungtel sinak thawhvo thawh in mah le mah zokhenhnak a tuah lai lo.
(h) EC theihhngalh lo in ram dang le bu dang he pehtlaihnak ngei in rian a ṭuan lai lo.
(i) CMC hruainak he kalh in rian a ṭuan lai lo.

4. Woman Fellowship Officer i nawlngeihnak le ṭuanvo cu a tanglei bantuk in a si lai.
(a) Woman Fellowship meeting biachahmi poh a ṭuantu a si lai.
(b) Woman Fellowship meeting karlak ah rianṭuan ding a um ahcun ṭuannak nawl a ngei lai.
(c) Thla khat ah Zarhte ni voi hnih lengmang Nubu thlacam pumhnak program ah hruaitu a si lai.
(d) Woman Fellowship nih ṭuannak nawl a pekmi rian poh a ṭuan lai.
(e) Thla khat ah voi khat lengmang meeting a tuah lai.
(f) Woman Fellowship hnatlaknak in rian a ṭuan lai.

5. President
Woman Fellowship President ṭuanvo cu a tanglei bantuk in a si lai.
(a) Woman Fellowship chungtel lak ah ṭuanvo ngan bik a ngeitu le ṭhihruaitu bik a si lai.
(b) Woman Fellowship le EC pehtlaitu an si lai.
(c) Woman Fellowship nih an ceihmi vialte EC sin ah a chuahpitu le fiang lak in a chimtu a si lai i, Executive Committee sin ah ṭuannak nawl a haltu a si lai.
(d) Woman Fellowship nih nawl a pek ning in rian a ṭuan lai.
(e) Woman Fellowship meeting poh ah chairman a ṭuan lai.
(f) Meeting chairman a ṭuan tik ah vote an i tluk ahcun casting vote petu a si lai.
(g) Bupi EC ah chungtel a si lai.

6. Vice President
Vice President a ṭuanvo cu a tanglei bantuk in a si lai.
(a) President rian kha a herh ning in a bawmtu a si lai.
(b) President a um lo kar ah President rian ṭuanvo latu a si lai.

7. Secretary
Woman Fellowship Secretary ṭuanvo cu a tanglei bantuk in a si lai.
(a) Woman Fellowship nih nawl a pek ning in rian a ṭuan lai.
(b) Woman Fellowship meeting tuah tik ah roca ṭialtu a si lai.
(c) Woman Fellowship ngeihmi meeting roca le a dangdang a kengtu a si lai.
(d) Meeting biachahmi ṭuannak ah hruaitu a si lai.
(e) Bupi EC ah chungtel a si lai.

8. Assistant Secretary
Assistant Secretary a ṭuanvo cu a tanglei bantuk in a si lai.
(a) Secretary rian kha a herh ning in a bawmtu a si lai.
(b) Secretary a um lo kar ah Secretary rian ṭuanvo latu a si lai.

9. Treasurer
Treasurer a ṭuanvo cu a tanglei bantuk in a si lai.
(a) Woman Fellowship phaisa vialte a kengtu a si lai.
(b) Woman Fellowship phaisa lutchuak vialte cazin a tlai dih tu a si lai.
(c) Woman Fellowship ngeihmi bank card le cauk vialte kengtu a si lai.
(d) Cazin ṭhate in a fimhlawm lai i Auditor nih cazin a zoh dih in Woman Fellowship sin ah cazin cu a langhter lai.

YOUTH FELLOWSHIP
PHUNGPHAI

DAL I (HRUAITU HNA)

1. Youth Fellowship i chungtel cu Mino Hawikomhnak Bu ah aa telmi dihlak an si lai.

2. Youth Fellowship i Officer cu a tanglei bantuk in an si lai.
(a) President
(b) Vice-President
(c) Secretary
(d) Assistant Secretary
(e) Treasurer
(f) Assistant Treasurer
(g) Marketing Manager
(h) Sport leader
(i) Culture & Literature leader
(j) Praise and Worship leader
(k) Music leader
(l) Multimedia leader
(m) Member 3

DAL II (NAWLNGEIHNAK LE ṬUANVO)

3. Youth Fellowship i nawlngeihnak le ṭuanvo cu a tanglei bantuk in a si lai.
(a) Youth Fellowship rianṭuannak ah nawlngeihnak sang bik a ngeitu a si lai.
(b) CMC chung i mino vialte hmun khat ah Pathian bia in thazaang laknak le i hawikomhnak an ngei lai.
(c) Anmah zawn in CMC dirkamhnak le ṭhanchoternak rian an ṭuan lai.
(d) A herh ning in lentecelhnak a tuah lai.
(e) CMC nih ngeihmi lentecelhnak thilri vialte a zohkhenhtu a si lai.
(f) CMC ah ca le nunphung ṭuanvo latu a si lai.
(g) Thla tin in Senri cazual a chuah lai.
(h) Praise and Worhship hruaitu a si lai.
(i) Music thilri zohkhenhtu a si lai.
(j) CMC nih a ngeihmi multi-media thilri vialte a zohkhenhtu a si lai
(k) CMC cawlcanghnak pawl video le hmanthlak in record tuahtu a si lai.
(l) Projector he pehtlai in ṭuanvo latu a si lai.
(m) Ramchung/ Ramleng in a phanmi cauk, VCD, DVD, etc,.. zuarpiaktu a si lai.
(n) Thla ruk ah voi khat lengmang meeting an tuah lai.
(o) Rianṭuan ding a timhmi cu EC sin ah hnatlaknak a hal hmasa lai.
(p) Anmah chung ah chungtel sinak thawhvo thawh in mah le mah zokhenhnak a tuah lai lo.
(q) EC theihhngalh lo in ram dang le bu dang he pehtlaihnak ngei in rian a ṭuan lai lo.
(r) CMC hruainak he kalh in rian a ṭuan lai lo.

4. Youth Fellowship Officer i nawlngeihnak le ṭuanvo cu a tanglei bantuk in a si lai.
(a) Youth Fellowship meeting biachahmi poh a ṭuantu a si lai.
(b) Youth Fellowship meeting karlak ah rianṭuan ding a um ahcun ṭuannak nawl a ngei lai.
(c) Youth Fellowship nih ṭuannak nawl a pekmi rian poh a ṭuan lai.
(d) Thla khat ah voi khat lengmang meeting a tuah lai.
(e) Youth Fellowship hnatlaknak in rian a ṭuan lai.

5. President
Youth Fellowship President ṭuanvo cu a tanglei bantuk in a si lai.
(a) Youth Fellowship chungtel lak ah ṭuanvo ngan bik a ngeitu le ṭhihruaitu bik a si lai.
(b) Youth Fellowship le EC pehtlaitu an si lai.
(c) Youth Fellowship nih an ceihmi vialte EC sin ah a chuahpitu le fiang lak in a chimtu a si lai i, Executive Committee sin ah ṭuannak nawl a haltu a si lai.
(d) Youth Fellowship nih nawl a pek ning in rian a ṭuan lai.
(e) Youth Fellowship meeting poh ah chairman a ṭuan lai.
(f) Meeting chairman a ṭuan tik ah vote an i tluk ahcun casting vote petu a si lai.
(g) Bupi EC ah chungtel a si lai.

6. Vice President
Vice President a ṭuanvo cu a tanglei bantuk in a si lai.
(a) President rian kha a herh ning in a bawmtu a si lai.
(b) President a um lo kar ah President rian ṭuanvo latu a si lai.

7. Secretary
Youth Fellowship Secretary ṭuanvo cu a tanglei bantuk in a si lai.
(a) Youth Fellowship nih nawl a pek ning in rian a ṭuan lai.
(b) Youth Fellowship meeting tuah tik ah roca ṭialtu a si lai.
(c) Youth Fellowship ngeihmi meeting roca le a dangdang a kengtu a si lai.
(d) Meeting biachahmi ṭuannak ah hruaitu a si lai.
(e) Bupi EC ah chungtel a si lai.

8. Assistant Secretary
Assistant Secretary a ṭuanvo cu a tanglei bantuk in a si lai.
(a) Secretary rian kha a herh ning in a bawmtu a si lai.
(b) Secretary a um lo kar ah Secretary rian ṭuanvo latu a si lai.

9. Treasurer
Treasurer a ṭuanvo cu a tanglei bantuk in a si lai.
(a) Youth Fellowship phaisa vialte a kengtu a si lai.
(b) Youth Fellowship phaisa lutchuak vialte cazin a tlai dih tu a si lai.
(c) Youth Fellowship ngeihmi bank card le cauk vialte kengtu a si lai.
(d) Cazin ṭhate in a fimhlawm lai i Auditor nih cazin a zoh dih in Youth Fellowship sin ah cazin cu a langhter lai.

10. Assistant Treasurer
Assistant Treasurer a ṭuanvo cu a tanglei bantuk in a si lai.
(a) Treasurer rian kha a herh ning in a bawmtu a si lai.
(b) Treasurer a um lo kar ah Treasurer rian ṭuanvo latu a si lai.

11. Marketing Manager
Marketing Manager a ṭuanvo cu a tanglei bantuk in a si lai.
(a) Ramchung/ Ramleng in a phanmi cauk, VCD, DVD, etc,.. zuarpiaknak ah tlangtlatu a si lai.
(b) Senri casual zuarnak ah ṭhihruaitu a si lai.
(c) Youth Fellowship hruainak tang ah rian a ṭuan lai.

12. Sport leader
Sport leader a ṭuanvo cu a tanglei bantuk in a si lai.
(a) CMC lentecelhnak pohpoh ah ṭhihruaitu a si lai.
(b) CMC ngeihmi lentecelhnak thilri vialte kenhlawmnak ah ṭhihruaitu a si lai.
(c) Youth Fellowship hruainak tang ah rian a ṭuan lai.

13. Culture & Literature leader
Culture & Literature leader a ṭuanvo cu a tanglei bantuk in a si lai.
(a) Kan nunphung he aa pehtlaimi “Chin Kum Thar” le “Chin Miphun Ni” tuahnak le cawlcanghnak ah ṭhihruaitu a si lai.
(b) Kan nunphung le caholh ṭhanchoternak he aa pehtlaimi pohpoh ah ṭhihruaitu a si lai.
(c) CMC min in thla tin chuak Senri cazual chuahnak ah ṭhihruaitu/editor a si lai.
(d) Youth Fellowship hruainak tang ah rian a ṭuan lai.

14. Praise and Worship leader
Praise and Worship leader a ṭuanvo cu a tanglei bantuk in a si lai.
(a) CMC nih tuahmi Pathian biak, pumhnak chung le thawk hlan i hla saknak kong ah ṭhihruaitu a si lai.
(b) Hla thar kawl le sak ding timhtuahnak ah ṭhihruaitu a si lai.
(c) Pathian hla in ṭhanchonak ah ṭhihruaitu a si lai.
(d) Youth Fellowship hruainak tang ah rian a ṭuan lai.

15. Music leader
Music leader a ṭuanvo cu a tanglei bantuk in a si lai.
(a) CMC ngeihmi music thilri zohkhenhnak le hmannak ah ṭhihruaitu a si lai.
(b) Pathian biak, pumh tik i music thilri sersiamnak le hman dih hnu fimhlawmnak ah ṭhihruaitu a si lai.
(c) Music thilri thar zalhnak le a rawkcatmi remhnak ah ṭhihruaitu a si lai.
(d) Music tumtu kong ah tlangtlatu le rian fialtu a si lai.
(e) Youth Fellowship hruainak tang ah rian a ṭuan lai.

16. Multimedia leader
Multimedia leader a ṭuanvo cu a tanglei bantuk in a si lai.
(a) CMC media he aa pehtlaimi pohpoh ah ṭhihruaitu a si lai.
(b) CMC nih a ngeihmi multimedia thilri vialte a zohkhenhnak ah ṭhihruaitu a si lai.
(c) CMC cawlcanghnak pawl video le hmanthlak in record tuahnak ah ṭhihruaitu a si lai.
(d) Projector tlaihnak ah ṭhihruaitu a si lai.
(e) Youth Fellowship hruainak tang ah rian a ṭuan lai.